​‘रात बाकी’मधून बॉलिवूड डेब्यू करणार सलमानचा मेहुणा आयुष शर्मा!

ब�

��लिवूडचा भाईजान सलमान खान बहिण अर्पिता खान हिचा पती आयुष शर्मा याला बॉलिवूडमध्ये लॉन्च करू इच्छितो, हे आताश: सगळ्यांनाच ठाऊक आहे. अर्पिताच्या लग्नापासून आयुषच्या बॉलिवूड डेब्यूबाबत बातम्या येत आहेत. पण कदाचित मधल्या काळात सलमानने मेहुण्याचा डेब्यू तितका मनावर घेतला नव्हता. पण मग अर्पिता नाराज झाली. आपला भाऊ आपल्या पतीला लॉन्च करण्यास टाळाटाळ करतोय, असा तिचा समज झाला. मग कुठे सलमान खाडकन् जागा झाला. यानंतर मात्र त्याने आयुषला लॉन्च करण्यासाठी कंबरच कसली. गेल्या अनेक दिवसांपासून त्याने यासंदर्भात करण जोहरशी चर्चा चालवली होती. अखेर ही चर्चा यशस्वी झाली, असेच समजू या. होय, कारण धर्मा प्रॉडक्शनच्या चित्रपटातून आयुष शर्मा बॉलिवूडमध्ये एन्ट्री घेणार आहे. या चित्रपटाचे नाव आहे, ‘रात बाकी’. या चित्रपटासाठी पाकिस्तानी अभिनेता फवाद खान आणि कॅटरिना कैफ या दोघांना घेण्याचे प्रारंभी प्रयत्न झालेत. पण हे प्रयत्न फसले. मग काय, फवाद बाद झाला अन् आयुष इन झाला.
‘रात बाकी’ हा चित्रपट एक रोमॅन्टिक चित्रपट असल्याचे कळतेय. या चित्रपटात आयुषसोबत कॅटरिना कैफ दिसण्याची शक्यता आहे. तूर्तास कॅटरिना ‘टायगर जिंदा है’मध्ये बिझी आहे.
सर्वप्रथम आयुष शर्मा ‘ट्यूबलाईट’मधून बॉलिवूड डेब्यू करणार, अशी खबर होती. पण ही बातमी केवळ बातमीच बनून राहिली. पण आता आयुष ‘रात बाकी’मधून दिसणार, हे जवळजवळ कन्फर्म आहे. शेवटी अर्पिताचा प्रश्न आहे. अर्पिताला सलमान कुठल्याही स्थितीत नाराज करू शकत नाही. सलमानने मनावर घेतले.आता केवळ आयुष शर्मा ‘रात बाकी’मधून लोकांच्या मनावर किती राज्य करतो, ते बघूच!