​‘१०० कोटी क्लब’च्या शर्यतीत अनुष्का शेट्टीला पछाडत सामंथा प्रभूने मारली बाजी!!

ब�

��लिवूडच्या ‘बागी2’ या चित्रपटाने सध्या बॉक्सआॅफिसवर धूम केलीय. तिकडे चीनमध्ये सलमान खानचा ‘बजरंगी भाईजान’ जोरात आहे. याचदरम्यान साऊथच्या एका चित्रपटावरही पे्रक्षकांच्या उड्या पडताहेत. होय, ‘रंगस्थलम’ या साऊथच्या चित्रपटाने केवळ चार दिवसांत वर्ल्डवाईड १०० कोटींची विक्रमी कमाई केली आहे. ‘बाहुबली’नंतर ‘रंगस्थलम हा तेलगूमध्ये सर्वाधिक वेगाने कमाई करणारा चित्रपट बनला आहे. या चित्रपटात साऊथची अभिनेत्री सामंथा प्रभू अक्किनेनी आणि अभिनेता रामचरण मुख्य भूमिकेत आहेत. साहजिकचं दोघेही जाम खूश आहे. विशेषत: सामंथा प्रचंड आनंदात आहे आणि का नसावे? तिने अनुष्का शेट्टीला मागे जे टाकलेय.
होय, १०० कोटींच्या क्लबमध्ये सामील होणारा ‘रंगस्थलम’ हा सामंथाचा आठवा चित्रपट ठरला आहे. याआधी सर्वाधिक १०० कोटी क्लबचे चित्रपट देण्याचा रेकॉर्ड ‘बाहुबली2’फेम अनुष्का शेट्टीच्या नावे होता. पण आता तो सामंथाकडे आहे. 



तूर्तास सामंथा सर्वाधिक बिझी अभिनेत्री आहे. तिच्याकडे अनेक मोठे प्रोजेक्ट आहेत. टॉलिवूडची एकेकाळची लेडी सुपरस्टार सावित्री हिच्या आयुष्यावर बेतलेल्या बायोपिकमध्ये सामंथा दिसणार आहे. तामिळ चित्रपट ‘यू टर्न’च्या तेलगू रिमेकमध्ये सामंथा आहे. याशिवाय अनेक चित्रपट सामंथाने साईन केले आहे. गतवर्षी सामंथा लग्नबंधनात अडकली. तेलगू सुपरस्टार नागार्जुन अक्की नेनीचा मुलगा नागा चैनत्यसोबत सामंथाने लग्नगाठ बांधली. लग्नानंतर सामंथाच्या करिअरला ओहोटी लागणार, असे बोलले जात होते. पण सामंथाच्या करिअरची गाडी मात्र सूसाट आहे. २००९ मध्ये ‘ये माया चेसाव’ या चित्रपटापासून सामंथाने आपल्या अ‍ॅक्टिंग करिअरला सुरूवात केली होती. याच चित्रपटाच्या सेटवर नागा चैतन्य तिला भेटला होता. लग्नाआधी सामंथा व नागा चैतन्य सात वर्षे रिलेशनशिपमध्ये होते.

ALSO READ : प्रेयसी सामंथा रूथसोबत लग्नाच्या पवित्र बंधनात अडकला नागार्जुनचा मुलगा नागा चैतन्य