नेमकं होतंय काय? घटस्फोटाच्या ६ महिन्यानंतर समंथाने शेअर केला नागा चैतन्यसोबतचा फोटो; म्हणाली...

Samantha ruth prabhu : गेल्या काही दिवसांपूर्वी समंथाने नागा चैतन्यच्या तिच्या जवळ असलेल्या सगळ्या वस्तू त्याला परत केल्या होत्या. मात्र, आता तिने चक्क नागा चैतन्यसोबतचा फोटो शेअर केला आहे.

एकेकाळी दाक्षिणात्य कलाविश्वातील लोकप्रिय जोडी म्हणून अभिनेता नागा चैतन्य आणि समंथा रुथ प्रभू (samantha ruth prabhu) यांच्याकडे पाहिलं जायचं. एकमेकांशी प्रेमविवाह केलेल्या या जोडीने सहा महिन्यांपूर्वीच कायदेशीररित्या घटस्फोट घेतला. त्यांच्या या निर्णयामुळे सामान्यांपासून सेलिब्रिटींपर्यंत अनेकांना धक्का बसला होता. मात्र, या घटस्फोटानंतर समंथा एकावर एक असे अनेक धक्के चाहत्यांना देत आहे. यामध्येच आता तिने सोशल मीडियावर नागा चैतन्यसोबतचा एक फोटो शेअर केला आहे.

गेल्या काही दिवसांपूर्वी समंथाने नागा चैतन्यच्या तिच्या जवळ असलेल्या सगळ्या वस्तू त्याला परत केल्या होत्या. यात लग्नाची साडीदेखील तिने परत पाठवली होती. त्यामुळे या दोघांच्या नात्यात कमालीची फूट पडल्याचं दिसून येत होतं. मात्र, असं असतानाच आता समंथाने चक्क नागाचैतन्यसोबतचा एक नवा फोटो शेअर केला आहे. जो पाहून नेटकरी आता संभ्रमात पडले आहेत.

समंथाने शेअर केलेला फोटो तीन वर्षांपूर्वीचा आहे. हा फोटो म्हणजे एका चित्रपटाचं पोस्टर आहे. या चित्रपटात दोघांनीही एकत्र काम केलं होतं. व्हायरल होत असलेला फोटो माजिली या चित्रपटाचं पोस्टर आहे. ही पोस्ट शेअर करताना समांथाने माजिली चित्रपटाल तीन वर्ष पूर्ण, असे म्हटले आहे. 
दरम्यान, माजिली हा चित्रपट ५ एप्रिल २०१९ रोजी प्रदर्शित झाला होता. या चित्रपटात दोघांनी एकत्र काम केलं होतं. विशेष म्हणजे दोघांचाही एकत्र असलेला हा चौथा चित्रपट होता. समांथा आणि नागा चैतन्य यांनी ऑक्टोबर २०१७ मध्ये लग्न केलं. मात्र, केवळ ४ वर्षांमध्येच ते विभक्त झाले.