सानिया मिर्झा साकारण्याची ‘बेबी’तापसी पन्नूची इच्छा !

ब�

��लिवूडची ‘बेबी’ अर्थात अभिनेत्री तापसी पन्नू हिनं आपल्या वाट्याला आलेल्या छोट्याशा भूमिका का होईना मोठ्या खूबीनं साकारल्या. या भूमिकांमध्ये तापसीनं असा काही जीव ओतला की ही भूमिका रसिकांच्या काळजात घर करुन गेली. 'बेबी' सिनेमातील तापसीची भूमिका छोटीच असली तरी तितकीच लक्षवेधी ठरली. यानंतर 'पिंक' या संवेदनशील सिनेमातही भूमिका तापसीनं भूमिका साकारली.या सिनेमात हिंदी चित्रपटसृष्टीचे शहेनशहा महानायक बिग बी अमिताभ बच्चन यांच्यासोबत स्क्रीन शेअर करणा-या तापसीने आपल्या भूमिकेनं वेगळीच छाप पाडली. त्यामुळे महिलाप्रधान सिनेमात दमदार भूमिका साकारणारी अभिनेत्री म्हणून तिच्याकडे पाहिलं जात आहे. नुकताच तिचा नाम शबाना हा सिनेमाही रसिकांच्या भेटीला आला आहे. या सिनेमाची आणि तापसीच्या भूमिकेचीही बरीच चर्चा सुरु आहे. असं असतानाच तापसीचं लक्ष्य काहीसं वेगळं आहे. विविध महिलाप्रधान सिनेमात भूमिका साकारलेल्या तापसीचाही एक ड्रीम रोल आहे. तापसीला भारताची टेनिसस्टार सानिया मिर्झा हिची भूमिका साकारण्याची इच्छा आहे. सारे बंध झुगारत सानिया मिर्झाने आपल्या खेळाने टेनिस विश्वात स्वतःचं एक वेगळं स्थान निर्माण केलं आहे. त्यामुळे गेल्या काही महिन्यांपासून बॉलिवूडमध्ये सानिया मिर्झाच्या जीवनावर आधारित सिनेमाची जोरदार चर्चा सुरु आहे.त्यामुळे या सिनेमात सानियाची भूमिका साकारणार कोण, कोणती अभिनेत्री रुपेरी पडद्यावर सानिया मिर्झा खुबीनं साकारणार याबाबत विविध चर्चा रंगल्या आहेत. सध्या बॉलिवूडमध्ये बायोपिक सिनेमांचा सीजन सुरु आहे. सानिया मिर्झाच्या आयुष्यावर सिनेमा बनल्यास त्यात सानियाची भूमिका करण्याची इच्छा तापसीने दर्शवली आहे. हा आपला ड्रीम रोल आहे हे सांगायलासुद्धा ती विसरलेली नाही. सानिया मिर्झा हा तापसीचा ड्रीम रोल असला तरी तिला भारताच्या पहिल्या महिला पंतप्रधान आणि आयर्न लेडी इंदिरा गांधी यांची भूमिका साकारण्याचीही इच्छा आहे. संधी मिळाल्यास इंदिरा गांधींच्या बायोपिकमध्येही काम करायला आवडेल असं तापसीनं स्पष्ट केलंय.