संजय दत्त आणि रणबीर कपूरच्या 'शमशेरा'मध्ये 'या' अभिनेत्रीची झाली एंट्री

'

;संजू'नंतर रणबीर कपूरच्या 'शमशेरा' टीझर रिलीज झाला आहे. ज्यात रणबीर कपूर खूपच भयानक अंदाजात दिसतोय. यात व्हिलनच्या भूमिकेत संजय दत्त दिसणार आहे. यात चित्रपटात रणबीरच्या अपोझिट बेफिक्रे गर्ल वाणी कपूरची वर्णी लागली आहे. काही वेळापूर्वी यशराज बॅनर कडून ट्विट करण्यात आले. वाणी कपूर आमच्या अॅक्शन आणि एडव्हेंचर चित्रपट शमशेरमध्ये एका वेगळ्या अंदाजात दिसण्यासाठी तयार आहे. ती रणबीर आणि संजय दत्तसोबत स्क्रिन शेअर करणार आहे. 



वाणी कपूरकडे सध्या यशराज बॅनरचे दोन जबरदस्त चित्रपट आहे. एक टायगर- ऋतिक रोशनचा ड्रामा आणि दुसरा रणबीर-संजयचा 'शमशेरा' आहे. शमशेराबाबत बोलताना रणबीर म्हणाला, शमशेरा एक असा चित्रपट आहे जो करण्याची माझी इच्छा होती. मी माझ्या लहानपणी जे हिंदी चित्रपट पाहिले होते त्यात हिरो जे-जे करायचे ते मला शेमशरामध्ये करायला मिळणार आहे. मी माझ्या कम्फर्टजोनमधून बाहेर पडून काही तरी वेगळे करण्याचा प्रयत्न करणार आहे.  

संजय दत्त या चित्रपटाबाबत बोलताना म्हणाला की, मी पहिल्यांदाच यशराज बॅनरसोबत काम करणार आहे. मी हा चित्रपट साईन करताना फार भावूक झालो होतो. माझे वडिल आणि यश चोप्राते यांचे नांत फार जवळचे होते. रणबीरसोबत काम करायला मी उत्सुक आहे.   

संजय दत्तच्या 'संजू'मध्ये रणबीर कपूरने संजय दत्तची भूमिका साकारली आहे. चित्रपटात संजय दत्तच्या आयुष्यातील महत्त्वाच्या घटना उलगडण्यात येणार आहेत. हि भूमिका साकाराण्यासाठी रणबीर कपूरने प्रचंड मेहनत घेतली आहे. त्याला या चित्रपटाकडून अनेक अपेक्षा आहेत. चित्रपटाला विधू विनोद चोपडा प्रोड्यूस करीत आहेत.त्याव्यतिरिक्त विक्की कौशल, सोनम कपूर, दिया मिर्झा, मनीषा कोइराला आणि अनुष्का शर्मा यांच्याही प्रमुख भूमिका आहेत. चित्रपटात महेश भट्ट आणि संजय दत्त हेदेखील गेस्ट अपियरेंस करताना बघावयास मिळणार आहे. चित्रपटाला विधू विनोद चोपडा प्रोड्यूस करीत आहेत. चित्रपट २९ जून २०१८ मध्ये प्रदर्शित केला जाईल.