​संजय दत्तने सोडली दारू : भूमीच्या शूटिंगसाठी घेतोय मेहनत

ब�

��लिवूड अभिनेता संजय दत्त कारागृहातून मुक्त झाल्यावर पुन्हा एकदा चित्रपटात व्यस्त होऊ पाहतोय. लवकरच तो आगामी भूमी या चित्रपटातून पुनरागमन करणार आहे. ओमंग कुमार यांच्या या चित्रपटात तो वडिलाच्या भूमिकेत दिसणार असून, शूटिंगला लवकरच सुरूवात होणार आहे. आपल्या भूमिके ला योग्य न्याय देता यावा हे त्यांचे चांगलेच मनावर घेतले असल्याचे दिसते. म्हणून संजय दत्तने मद्यपान सोडले असल्याचे सांगण्यात येत आहे.

काही दिवसांपूर्वी संजय दत्तने एका मुलाखतीदरम्यान या ओमंग कुमार यांच्या आगामी चित्रपटात मी काम करणार असल्याची कबुली दिली होती. चित्रपटाची स्क्रीप्ट वाचली असून, यात असलेली माझी भूमिका सशक्त असल्याचे सांगितले होते. वडील आणि  मुलगी यांच्या नात्यावर आधारित असलेला ‘भूमी’ हा चित्रपट भावनाप्रधान व संवेदनशील विषयावर आधारित आहे. 

सूत्रांनी दिलेल्या माहितीनुसार संजय दत्तने या चित्रपट पूर्ण होईपर्यंत दारूला स्पर्श करणार नसल्याचे ठरविले आहे. तो शूटिंग दरम्यान दारूचा एकही पेग पिणार नाही. या चित्रपटाच्या शूटिंगनंतर तो दारू पूर्णपणे सोडणार आहे असेही सांगण्यात येते. भूमीची शूटिंग २९ जानेवारी २०१७ पासून आग्रा येथे सुरू होणार आहे. २९ हा संजू बाबाचा लकी नंबर असल्याने या दिवशी चित्रपटाचा मुहूर्त केला जाणार आहे. 



२०१७ साली संजय दत्त नव्याने आपल्या करिअरची सुरुवात करणार असल्याने त्याचे चाहते आनंदी आहेत. या शिवाय राजकुमार हिरानी संजय दत्तवर बायोपिक तयार करीत असल्याचे सांगण्यात येत आहे.  विधू विनोद चोप्रा यांच्या आगामी चित्रपटात तो महत्त्वाची भूमिका साकारणार आहे. हा चित्रपट या वर्षाच्या शेवटी प्रदर्शित केला जाईल. 

ओमंग कुमार दिग्दर्शित ‘भूमी’ हा चित्रपट भूषण कुमार यांच्या टी-सिरीज आणि संदीप सिंग व ओंमग कुमार यांचा लिजेंड स्टुडिओ या चित्रपटाची निर्मिती करणार आहे. या चित्रपटाचे टीझर पोस्टर नुकतेच रिलीज करण्यात आले असून, त्यात ताजमहल दिसत असल्याने ही प्रेम कथा असू शकते असा अंदाज लावला जात आहे. मात्र यात संजयची भूमिका महत्त्वाची असल्याचे मानले जात आहे.