"ती पुन्हा पुन्हा रडतेय.." सतीश कौशिक यांच्या वाढदिवशी लेकीची झालीय अशी अवस्था; पुतण्याने केला खुलासा

सतीश कौशिक यांच्या वाढदिवसानिमित्त त्यांची मुलगी वंशिका हिची वाईट अवस्था झालीय.

'मिस्टर इंडिया' चे कॅलेंडर अभिनेते सतीश कौशिक (Satish Kaushik) यांचं ९ मार्च रोजी हृदयविकाराच्या धक्क्याने निधन झालं.  त्यांच्या निधनानंतर अवघ्या महिन्याभरातच त्यांचा वाढदिवस आला आहे, अशातच चाहते त्यांच्या आठवणींना उजाळा देत आहेत. या दिवशी त्यांच्या कुटुंबाची काय अवस्था असेल, याची कल्पनाही करता येणार नाही. वडिलांच्या निधनानंतर सतीश कौशिक यांची 10 वर्षांची मुलगी वंशिका हिच्यासाठी हा काळ विशेषतः कठीण आहे. सतीश कौशिक यांचा पुतण्या निशांत कौशिक याने वंशिकाची सध्या काय स्थिती आहे याचा एका मुलाखतीत खुलासा  केले आहे.

हिंदुस्तान टाइमशी बोलताना निशांत म्हणाला, 'गेल्या काही दिवसांपासून ती पुन्हा पुन्हा रडत आहे. कालही ती खूप रडली आणि काकूंनी तिला झोपवले. तिच्या वडिलांची तिला खूप आठवण येते. ती वारंवार सांगत असते कि, पप्पांचा वाढदिवस येतोय, पण ते इथे आपल्यासोबत नाहीत.' निशांत म्हणाला, 'वंशिकाने वडिलांसाठी एक कार्डही बनवले आहे. काकी स्वतःला आई म्हणून मजबूत ठेवण्याचा प्रयत्न करत आहेत आणि वंशिकासोबत खंबीरपणे उभ्या आहेत.

निशांत म्हणाला, 'मृत्यूच्या अवघ्या एक महिन्यानंतर त्यांची पहिली जयंतीही आली आहे. हा काळ आमच्या सर्वांसाठी खूप कठीण आहे. त्यांच्या निधनाचा धक्कातून आम्ही अजूनही सावरलेलो नाही.  त्यांची मुलगी वंशिका आणि काकू अजूनही त्यातून बाहेर पडण्याचा प्रयत्न करत आहेत.

तो म्हणाले, आम्ही स्वतःला मजबूत ठेवण्याचा प्रयत्न करत आहोत आणि पुढे जाण्यासाठी त्यांच्या चांगल्या आठवणींचा आधार घेत आहोत. निशांतने हे देखील सांगितले की त्याचे काका म्हणजेच सतीश कौशिक दरवर्षी त्याचा वाढदिवस कसा साजरा करायचे. तो म्हणाला, 'ते त्याच्या मित्रांना भेटायला जायचे आणि अनुपम सर, अनिल कपूर सर, बोनी कपूर सर यांच्यासोबत असायचे. यावेळीही आपण हा दिवस कसा साजरा करणार याचा विचार केला आहे. या खास प्रसंगी आम्ही त्यांना आदरांजली वाहणार आहोत आणि त्यांचे आयुष्य आम्ही एकत्र साजरे करणार आहोत. यावेळी गायकही उपस्थित राहणार आहेत.