कार्तिक आर्यनच्या सांगण्यावरुन एका गाण्यासाठी निर्मात्यांनी केला पाण्यासारखा पैसा खर्च, आकडा पाहून व्हाल थक्क

आर्यनच्या 'सत्यप्रेम की कथा' सिनेमातील एका गाण्याचे शूटिंग पूर्ण करण्यासाठी पाण्यासारखा पैसा खर्च करण्यात आल्याचं समोर आला आहे.

कार्तिक आर्यन आणि कियारा अडवाणी यांची ब्लॉकबस्टर जोडी लवकरच त्यांच्या रोमँटिक केमिस्ट्रीसह सिनेमाच्या पडद्यावर जादू निर्माण करण्यासाठी परतत आहे. 'भूल भुलैया 2' नंतर दोघेही ज्या चित्रपटात दिसणार आहेत तो 'सत्यप्रेम की कथा' आहे. नुकताच त्याचा टीझर रिलीज करण्यात आला, जे पाहून चाहते चित्रपटासाठी खूप उत्सुक झाले आहेत. दोन्ही कलाकार 'सत्यप्रेम की कथा' बद्दल चर्चेत आहेत.

 अलीकडेच बातमी आली होती की कार्तिक आर्यनने चित्रपटातील एका गाण्याचे शूटिंग पूर्ण केले आहे. हे गाणं तयार करण्यासाठी लागणारा खर्चही समोर आला आहे, जो ऐकून सर्वांनाच धक्का बसला आहे.

कार्तिक आर्यनने नुकतेच 'सत्यप्रेम की कथा' या गाण्याचं शूटिंग पूर्ण केलं आहे. रिपोर्टनुसार अभिनेत्याच्या सांगण्यावरुन निर्मात्यांनी गाण्यात मोठी गुंतवणूक केली आहे. ख्रिश्चन, मुस्लिम, गुजराती आणि दक्षिण भारतीय पद्धतीचे विवाह यात दाखवले आहेत. हे गाणं एक ड्रीम सीक्वेन्स असल्याचे म्हटले जाते. एका न्यूज पोर्टलनुसार, हे गाणं तयार करण्यासाठी 7 कोटी रुपयांचा खर्च करण्यात आले.  या गाण्यात कार्तिकसोबत कियारा अडवाणी देखील दिसणार आहे.

या गाण्यासाठी चार सेट लावण्यात आल्याचेही रिपोर्टमध्ये म्हटलं आहे. मराठमोळा दिग्दर्शक समीर विद्वांसने या चित्रपटाचं दिग्दर्शन केलं आहे. या चित्रपटाद्वारे आणखी एक मराठमोळा दिग्दर्शक हिंदीकडे वळला आहे. कार्तिक आणि कियाराच्या या चित्रपटाकडून सर्वांनाच खूप अपेक्षा आहेत.'सत्यप्रेम की कथा' या चित्रपटात प्रेमाच्या बोलण्यासोबतच बराच ड्रामाही पाहायला मिळणार आहे. हा चित्रपट २९ जूनला प्रदर्शित होणार आहे. कार्तिक आणि कियाराशिवाय या चित्रपटात गजराज राव आणि सुप्रिया पाठक यांच्याही प्रमुख भूमिका आहेत.