Satyaprem Ki Katha Teaser: 'सत्यप्रेम की कथा'चा टीझर रिलीज, कार्तिक-कियाराच्या केमिस्ट्रीची होतेय चर्चा

Satyaprem Ki Katha Teaser: लग्नानंतर कियारा आडवणी पुन्हा प्रेक्षकांच्या भेटीला येण्यासाठी सज्ज झाली आहे. 'सत्यप्रेम की कथा' हा कियारा आणि कार्तिक आर्यनचा टायटलमुळे वादात सापडलेल्या चित्रपटाचा टीझर नुकताच लाँच करण्यात आला आहे.

लग्नानंतर कियारा आडवणी (Kiara Advani) पुन्हा प्रेक्षकांच्या भेटीला येण्यासाठी सज्ज झाली आहे. 'सत्यप्रेम की कथा' (Satyaprem Ki Katha) हा कियारा आणि कार्तिक आर्यन(Kartik Aryan)चा टायटलमुळे वादात सापडलेल्या चित्रपटाचा टीझर नुकताच लाँच करण्यात आला आहे. 'बातें जो कभी पूरी न हो...' असं म्हणत सुरू होणाऱ्या टीझरमध्ये कार्तिक-कियाराचा रोमँटिक अंदाज पहायला मिळतो. यामध्ये 'आज के बाद तू मेरी रहना...' या सुमधूर गाण्यातील झलकही पहायला मिळते. 

आजपासून सुरु होत आहे, 'सत्यप्रेम की कथा' असं कॅप्शन लिहीत कियारानं चित्रपटाचा टीझर सोशल मीडियावर शेअर केला आहे. मराठमोळा दिग्दर्शक समीर विद्वांसने या चित्रपटाचं दिग्दर्शन केलं आहे. या चित्रपटाद्वारे आणखी एक मराठमोळा दिग्दर्शक हिंदीकडे वळला आहे. कार्तिक आणि कियाराच्या या चित्रपटाकडून सर्वांनाच खूप अपेक्षा आहेत.
चित्रपटाच्या टीझरमध्ये कार्तिक आणि कियारा रोमँटिक अंदाजात पाहायला मिळतात. दोघेही नदी, बर्फाच्छादित दऱ्या, शेतात आणि जत्रेत रोमान्स करताना दिसतात. ते एका सुंदर राजवाड्यासमोर लग्न करतानाही दिसतात. पण ते प्रेम कसलं असतं ज्यात अडचणी नसतील. अशीच काहीसा आहे या चित्रपटाचा टीझर.

View this post on Instagram

A post shared by KIARA (@kiaraaliaadvani)

टीझरमध्ये कार्तिक आर्यन म्हणतो की, 'कधीही पूर्ण न होणारी चर्चा, कधीही अपूर्ण नसलेली वचने, कधीही न कमी होणारे हास्य, डोळे जे कधी ओलावणार नाहीत आणि अश्रू असतील तर ते तिचे असावेत आणि डोळे माझे असावेत.' यावरून हे स्पष्ट होते की, 'सत्यप्रेम की कथा' या चित्रपटात प्रेमाच्या बोलण्यासोबतच बराच ड्रामाही पाहायला मिळणार आहे. हा चित्रपट २९ जूनला प्रदर्शित होणार आहे.