रंगावरुन हिणवलं, तडकाफडकी सोडलं बॉलिवूड; आता कुठेय 'सौगंध' फेम अभिनेत्री?

अभिनेत्रीने सांगितले की, 'सौगंध'च्या सेटवर अक्षय कुमारने सर्वांसमोर तिच्या रंगाची खिल्ली उडवली आणि खिलाडी कुमारने याबद्दल कधीही तिची माफी मागितली नाही.

1991 मध्ये अक्षय कुमारसोबत 'सौगंध' चित्रपटातून बॉलिवूडमध्ये पदार्पण करणारी अभिनेत्री शांती प्रिया हिने 'मेरे सजना साथ निभाना', 'फूल और अंगार' सारख्या चित्रपटांमध्ये आपल्या दमदार अभिनयाने आणि सौंदर्याने लोकांची मने जिंकली. ९०च्या दशकात इंडस्ट्रीवर अधिराज्य गाजवणारी अभिनेत्री शांती प्रियाचा चित्रपट प्रवास खूपच संघर्षमय राहिला आहे. तिच्या कारकिर्दीच्या सुरुवातीच्या काळात अभिनेत्रीला चित्रपटसृष्टीत रंगभेदाचा सामना करावा लागला. तिचा पहिला सहकलाकार अक्षय कुमारने 'सौगंध' चित्रपटाच्या सेटवर सर्वांसमोर अभिनेत्रीच्या रंगाची खिल्ली उडवली.

अलीकडेच, सिद्धार्थ काननला दिलेल्या एका मुलाखतीत, अभिनेत्रीने सांगितले की, 'सौगंध'च्या सेटवर अक्षय कुमारने सर्वांसमोर तिच्या रंगाची खिल्ली उडवली आणि खिलाडी कुमारने याबद्दल कधीही तिची माफी मागितली नाही. या घटनेबद्दल पुढे बोलताना अभिनेत्रीने शेअर केले की, या अनुभवामुळे ती डिप्रेशनची शिकार झाली आहे. ती पुढे म्हणते की तिची आई आणि मोठी बहीण आणि अभिनेत्री भानू प्रियाला देखील दक्षिण आणि हिंदी चित्रपट उद्योगात रंगीत भेदभावाचा सामना करावा लागला.

वयाच्या अवघ्या २४ व्या वर्षी शांती प्रियाने आपल्या करिअरच्या शिखरावर लग्न करून चित्रपट जगताचा कायमचा निरोप घेतला होता. तिने 1999 मध्ये अभिनेता सिद्धार्थ रेसोबत लग्न केले. लग्नानंतर कुटुंब आणि जबाबदाऱ्यांसाठी त्यांनी इंडस्ट्रीपासून दुरावले. पण 2004 साली अचानक या अभिनेत्रीच्या पतीचे हृदयविकाराच्या झटक्याने निधन झाले तेव्हा तिच्यावर दुःखाचा डोंगर कोसळला.

ही अभिनेत्री लवकरच सरोजिनी नायडू यांच्या बायोपिक चित्रपट 'सरोजिनी'मध्ये मुख्य भूमिकेत दिसणार आहे. शांती प्रियाने या चित्रपटात मुख्य भूमिका साकारण्याबाबत सोशल मीडियावर एक पोस्ट शेअर केली आहे.