SEE PIC : ​रणवीर सिंगला पाहून तुम्हीही म्हणाल, कुठे तो ‘खिल्जी’ अन् कुठे हा ‘गली बॉय’?

‘पद्मावत’ रिलीज झाला आणि यातील भूमिकेसाठी रणवीर सिंगच्या वाट्याला सर्वाधिक प्रशंसा आली. ‘पद्मावत’ पाहिल्यानंतर जो तो रणवीरचे कौतुक करत ...

‘�

��द्मावत’ रिलीज झाला आणि यातील भूमिकेसाठी रणवीर सिंगच्या वाट्याला सर्वाधिक प्रशंसा आली. ‘पद्मावत’ पाहिल्यानंतर जो तो रणवीरचे कौतुक करत सुटलाय.  अलाऊद्दीन खिल्जीची व्यक्तिरेखा जिवंत करण्यासाठी रणवीरने जीवतोड मेहनत घेतलीयं. वजन वाढवले, पिळदार शरीर कमवण्यासाठी जिममध्ये तासन् तास घाम गाळला, केस- दाढी वाढवली, भूमिकेला पूर्ण न्याय देता यावा आणि भूमिकेत शिरता यावे यासाठी अनेक महिने स्वत:ला एकट्याने खोलीत कोंडून घेतले. रणवीरची ही सगळी मेहनत ‘पद्मावत’ पाहिल्यानंतर पडद्यावर जाणवतेय. पण आता ‘पद्मावत’नंतरची बातमी आहे. 



होय, रणवीरचा ताजा फोटो पाहिल्यानंतर ‘पद्मावत’मध्ये खिल्जी साकारणारा हाच तो रणवीर का? यावर क्षणभर विश्वास बसत नाही. कारण कुठे ते पिळदार शरीर असलेला ‘खिल्जी’ आणि कुठे हा ‘गली बॉय’? होय, ‘पद्मावत’नंतर लगेच रणवीर ‘गली बॉय’मध्ये बिझी झाला आणि या चित्रपटासाठी रणवीरने म्हणे एक- दोन नाही तर सात किलो वजन कमी केले. सात किलो वजन कमी केल्यानंतर रणवीर ‘खिल्जी’च्या तुलनेत अगदीच हडकुळा दिसू लागलाय. विश्वास बसत नसेल तर या बातमीसोबत दिलेला फोटो तुम्ही बघायलाच हवा.

ALSO READ : ​‘गली बॉय’च्या सेटवरचे आलिया भट्ट व रणवीर सिंगचे फोटो लिक! पाहून तुम्हालाही बसेल धक्का !

 ‘गली बॉय’ मध्ये रणवीरच्या अपोझिट आलिया भट्ट दिसणार आहे. सध्या या  चित्रपटाचे शूटींग धडाक्यात सुरु आहे.  जोया अख्तर दिग्दर्शित या चित्रपटाच्या सेटवरचे काही फोटो अलीकडे लिक झाले  होते. रणवीरचे या चित्रपटातील लूक त्याच्या ‘बँड बाजा बारात’, ‘लेडिज वर्सेस रिकी बहल’ या चित्रपटातील लूकशी बरेच मिळते जुळते आहेत. या चित्रपटात आलिया एका तरूण मुस्लिम मुलीच्या भूमिकेत दिसणार आहे.
‘गली बॉय’मध्ये एका स्ट्रिट रॅपरची कथा असल्याचे कळतेय. जी एका रिअल लाईफ स्टोरीवर बेतलेली आहे. ही कथा गेल्या अनेक वर्षांपासून जोयाच्या डोक्यात होती. या चित्रपटासाठी आधी रणबीर कपूरचे नाव चर्चेत होते. यानंतर वरूण धवनच्या नावाचीही चर्चा झाली आणि सरतेशेवटी रणवीरच्या नावावर शिक्कामोर्तब झाले.