shah Rukh Khan Look Leak From Jawan Set : 'जवान'च्या सेटवरचा फोटो लीक, शाहरूखचा जबरदस्त लुक पाहून चाहते म्हणाले...

Shah Rukh Khan Look Leak From Jawan Set: 'पठाण'नंतर शाहरूख 'जवान' या सिनेमात बिझी झाला आहे. सध्या शाहरूख 'जवान'चं शूटींग करतोय. याच चित्रपटाच्या सेटवरचा एक फोटो लीक झाला आहे...

शाहरूख खानने (Shah Rukh Khan ) चार वर्षांनंतर मोठ्या पडद्यावर कमबॅक केलं आणि ते जबरदस्त यशस्वी राहिलं. चार वर्षानंतर आलेल्या शाहरूखच्या 'पठाण' (Pathaan) या सिनेमावर प्रेक्षकांच्या नुसत्या उड्या पडत आहेत. बॉक्स ऑफिसवर या चित्रपटानं धुमाकूळ घातला आहे. जगभर या सिनेमानं ७०० कोटींपेक्षा अधिक कमाई केली आहे. भारतात ३०० कोटींवर गल्ला जमवला आहे. 'पठाण' सुपर डुपरहिट झाल्यानंतर चाहत्यांना प्रतीक्षा आहे ती शाहरूखच्या पुढच्या सिनेमाची. 'पठाण'नंतर शाहरूख 'जवान' ( Jawan ) या सिनेमात बिझी झाला आहे. सध्या शाहरूख 'जवान'चं शूटींग करतोय. याच चित्रपटाच्या सेटवरचा एक फोटो लीक झाला आहे आणि या फोटोनं सध्या सोशल मीडियावर धुमाकूळ घातला आहे.

#SRK back on the sets of #Jawan today in his monster avatar pic.twitter.com/jre8fun2mo

— Harminder 🍿🎬🏏 (@Harmindarboxoff) January 31, 2023

'जवान'च्या सेटवरून लीक झालेल्या फोटोत शाहरूख एका बसमध्ये उभा दिसतोय आणि त्याच्या चेहऱ्यावर पट्टी बांधलेली आहे. त्याचे लांब केस लक्ष वेधून घेत आहेत. चाहत्यांना शाहरूखचा हा लुक भलताच आवडला आहे. हा लुक पाहिल्यानंतर चाहते क्रेझी झाले आहेत. 'जवान' हा सिनेमा 'पठाण'पेक्षाही अधिक कमाई करेल, असं चाहते म्हणत आहेत.

This Film will Collect More Than Pathaan 🔥Mass

— Veer (@Veer_13_) January 31, 2023

अनेकांनी त्याच्या या फोटोवर कमेंट केली आहे. एक हिट दिला, आता दुसऱ्याच्या तयारीला लागला आहे, असं एका चाहत्याने म्हटलं आहे. भाई, बॉक्स ऑफिसचे सगळे रेकॉर्ड जूनमध्ये मोडणार आहेत. जवान पहिल्याच दिवशी १०० कोटी कमाई करणार, असा विश्वास एका युजरने व्यक्त केला आहे.

Superstar #ShahRukhKhan & Junior Artist Photos #Jawan Sets Today. pic.twitter.com/rLRitLQoIt

— Vishwajit Patil (@_VishwajitPatil) January 31, 2023

‘जवान’ हा एक अ‍ॅक्शनपॅक्ड सिनेमा आहे. 2 जून 2023 रोजी हा चित्रपट प्रेक्षकांच्या भेटीस येतोय. हिंदीसह तामिळ, तेलगू, मल्याळम व कन्नड अशा भाषेत हा सिनेमा प्रदर्शित होणार आहे.  चर्चा खरी मानाल तर ‘जवान’ या चित्रपटात शाहरूख डबल रोलमध्ये दिसणार आहे. यात साऊथ अभिनेत्री नयनतारा इव्हेस्टिगेटिव्ह ऑफिसरची भूमिका साकारणार आहे. सान्या मल्होत्राही महत्त्वपूर्ण भूमिकेत आहे