Pathaan on OTT : आता घरबसल्या पाहा शाहरूख, दीपिकाचा 'पठाण'; जाणून घ्या कधी, कुठे?
By ऑनलाइन लोकमत | Published: March 15, 2023 02:56 PM2023-03-15T14:56:57+5:302023-03-15T14:59:32+5:30
Pathaan on OTT Release Date : बॉक्स ऑफिसवर सुपरडुपर हिट झालेला पठाण हा सिनेमा ओटीटीवर कधी येतो, याची चाहते प्रतीक्षा करत होते. तर आता आनंदाची बातमी आहे. होय, पठाण लवकरच ओटीटीवर पाहता येणार आहे.
Pathaan on OTT : आता घरबसल्या पाहा शाहरूख, दीपिकाचा 'पठाण'; जाणून घ्या कधी, कुठे?
Next Pathaan on OTT Release Date : शाहरुख खान (Shah Rukh Khan) दीपिका पादुकोण (Deepika Padukone) व जॉन अब्राहमच्या पठाण (Pathaan) या सिनेमानं बॉक्स ऑफिसवर अक्षरश: धुमाकूळ घातला. देशातच नव्हे तर जगभर या सिनेमानं छप्परफाड कमाई केली. भारतात या सिनेमानं ५३९.६६ कोटी रूपयांचा गल्ला जमवला तर देशभर १०४३ कोटींची कमाई केली. बॉक्स ऑफिसवर सुपरडुपर हिट झालेला हा सिनेमा ओटीटीवर कधी येतो, याची चाहते प्रतीक्षा करत होते. तर आता आनंदाची बातमी आहे. होय, पठाण लवकरच ओटीटीवर पाहता येणार आहे.
होय, पठाण आता OTT वर रिलीज जाणार आहे. अमेझॉन प्राईमवर अगदी घरबसल्या हा सिनेमा पाहता येणार आहे. पठाणची ओटीटी रिलीजची तारीख सुद्धा निश्चित झालीय. 'पठान'ची विस्तारित आवृत्ती म्हणजेच Extended Version 22 मार्च 2023 ला OTT प्लॅटफॉर्म Amazon प्राइम व्हिडिओ वर रिलीज होणार आहे.
Shah Rukh Khan Starrer ‘Pathaan’s Extended Version To Be Released On OTT Platform ‘Amazon Prime Video’ On March 22nd, 2023!https://t.co/oLYEf3ltiI#ShahRukhKhan#RanbirKapoor#ShahRukh#SRK#Pathaan#Pathan#BoxOffice#DeepikaPadukone#JohnAbraham#YRF@PrimeVideo@yrf@iamsrk
— Box Office Worldwide (@BOWorldwide) March 15, 2023
'पठाणचे ओटीटी व्हर्जन थिएटरहून जास्त मोठे असेल. यात पठाणचे बालपण दिसणार आहे. त्याचं खरं नाव 'नवरंग' असतं. मग तो 'पठाण' कसा बनतो हे सर्व सिनेमाच्या फायनल एडिटमध्ये कट केलं गेलं होते. ते आता ओटीटीवरच्या एक्सटेंडेड व्हर्जनमध्ये पाहायला मिळणार आहे. पठाण चित्रपटातील काही डिलीट केलेले सीन्स या व्हर्जनमध्ये असणार आहेत. साहजिकच ओटीटीवर कट केलेला भागही पाहायला मिळणार म्हणल्यावर चाहत्यांमध्ये उत्सुकता आहे.