शूटींगवर परतण्यासाठी शाहरूख खान तयार, पण दिग्दर्शकांसमोर ठेवली एक अट

Shahrukh Khan : आर्यन खानला अटक करण्यात आली तेव्हा शाहरूख खान 'पठाण' सिनेमाचं शूटींग करत होता. मुलाला अटक झाल्याचं समजताच तो लगेच शूटींग सोडून स्कॉटलॅंडवरून भारतात आला होता.

बॉलिवूड सुपरस्टार शाहरूख खान (Shah Rukh Khan) चा परिवार काही दिवसांपूर्वी फारच अडचणीतून गेला. ड्रग्स केसमध्ये अडकलेल्या आर्यन खानला (Aryan Khan) ला जामीन मिळवण्यासाठी शाहरूखने पूर्ण जोर लावला होता. जेव्हा आर्यन खानला अटक करण्यात आली तेव्हा शाहरूख खान 'पठाण' सिनेमाचं शूटींग करत होता. मुलाला अटक झाल्याचं समजताच तो लगेच शूटींग सोडून स्कॉटलॅंडवरून भारतात आला होता.

शाहरूखने दिग्दर्शकांना केली विनंती

आता बऱ्याच गोष्टी सामान्य झाल्या आहेत. त्यामुळे शाहरूख खान (Shah Rukh Khan) लवकरच कामावर परतण्याची तयारी करत आहे. बॉलिवूड लाइफ या वेबसाइटने दिलेल्या वृत्तानुसार, शाहरूख खानने कामावर परतण्याआधी दिग्दर्शकांना एक खास अपील केली आहे. शाहरूख खानने ही अपील परीवाराला लक्षात ठेवून केली आहे.

किंग खानने दिग्दर्शकांना सांगितलं की, त्यांनी सिनेमाचं शूटींग काही छोट्या छोट्या तुकड्यांमध्ये डिवाइड करावं. जेणेकरून तो मधे मधे त्याच्या परिवाराला भेटू शकेल. शाहरूख आपल्या परिवाराला किती महत्व देतो हे काही कुणापासून लपलेलं नाहीये. त्याची इमेज एक यशस्वी कलाकार, यशस्वी बिझनेसमन आणि फॅमिली मॅनची आहे. जो परिवारासाठी काहीही करू शकतो.

दरम्यान आर्यन खानचं प्रकरण अजून पूर्णपणे संपलेलं नाही आणि त्याला एनसीबी ऑफिसमध्ये मधून मधून हजेरी लावण्यासाठी जावं लागेल. इतकंच नाही तर शाहरूख खानचा मुलगा आर्यन खान याला कधी कधी कोर्टातही हजर व्हावं लागेल.