#Shahrukh khan birthday : शाहरुख खानने मन्नतबाहेर उभे राहिलेल्या फॅन्सना दिले हे रिटर्न गिफ्ट

किंगखान शाहरुख खानचा वाढदिवस आहे आणि मन्नत बाहेर गर्दी जमणार नाही, हे शक्यच नाही. आज २ नोव्हेंबर शाहरुखचा वाढदिवस. दरवर्षीप्रमाणे यंदाही शाहरूखच्या वाढदिवसाच्या शुभेच्छा देण्यासाठी चाहत्यांनी ‘मन्नत’ बाहेर प्रचंड गर्दी केली.

शाहरुख खानचा आज वाढदिवस असल्याने मोठ्या संख्येने त्याचे चाहते त्याच्या मन्नत या घराजवळ काल रात्रीपासूनच जमा झाले आहेत. आपल्या या चाहत्यांची काळजी शाहरुखने खूपच चांगल्याप्रकारे घेतली असल्याचे कळतेय. मन्नत बाहेर जमलेल्या सगळ्या चाहत्यांसाठी शाहरुखकडून पाणी, वेफर्स आणि कोल्ड ड्रिंकची सोय करण्यात आलेली होती. शाहरुखच्या एका झलकसाठी त्याचे चाहते कित्येक तास त्याच्या घराबाहेर उभे असतात. त्याच्या चाहत्यांना त्रास होऊ नये यासाठी शाहरुखने त्यांना स्नॅक्स देण्याचा विचार केला. शाहरुखच्या या दिलदारपणाचे सोशल मीडियावर चांगलेच कौतुक होत आहेत. शाहरुखने त्याच्या चाहत्यांना जणू वाढदिवसाचे रिटर्न गिफ्टच दिले आहे असे म्हटले तरी ते चुकीचे ठरणार नाही.

This what happens when @iamsrk gets out from his house. No matter what the time is!

P.S it was 12:10AM.  World's biggest movie star for the reason 🔥#HappyBirthdaySRK#HappyBirthdayShahRukhKhan#KingKhan#Mannatpic.twitter.com/YAQiJttyBI

— SUYOG 🏹 (@itsSuyog_) November 2, 2018

 

किंगखान शाहरुख खानचा वाढदिवस आहे आणि मन्नत बाहेर गर्दी जमणार नाही, हे शक्यच नाही. आज २ नोव्हेंबर शाहरुखचा वाढदिवस. दरवर्षीप्रमाणे यंदाही शाहरूखच्या वाढदिवसाच्या शुभेच्छा देण्यासाठी चाहत्यांनी ‘मन्नत’ बाहेर प्रचंड गर्दी केली. काल रात्रीपासूनच ‘मन्नत’ बाहेरच्या रस्त्यावर शेकडो लोक जमले. चाहत्यांच्या शुभेच्छांचा स्वीकार करण्यासाठी आणि त्यांचे आभार मानण्यासाठी बॉलिवूडचा बादशाह बाल्कनीत आला आणि त्याने चाहत्यांना हात जोडून अभिवादन केले. यावेळी शाहरूखने निळ्या रंगाचा टी शर्ट आणि काळा ट्राऊजर घातला होता. 

शाहरूख बाल्कनीत येताच आपल्या या आवडत्या स्टारची एक झलक पाहण्यासाठी आतूर असलेल्या चाहत्यांनी एकच जल्लोष केला. तो क्षण बघण्यासारखा होता. शाहरुख कित्येक मिनिटे तरी बाल्कनीत उभा राहून चाहत्यांना अभिवादन करत होता. या क्षणाचा व्हिडिओ त्यामुळे तुम्ही बघायलाच हवा. 

यंदाचा वाढदिवस शाहरुखसाठी खास आहे. कारण आज वाढदिवसालाच त्याच्या बहुप्रतिक्षीत चित्रपटाचा अर्थात ‘झिरो’चा ट्रेलर रिलीज होतोय. हा ट्रेलर काहीच मिनिटांत प्रेक्षकांच्या भेटीस येणार आहे. ‘झिरो’च्या निर्मात्यांनी आधीच ट्रेलरच्या लॉन्चिंगसाठी एसआरकेच्या वाढदिवसाचे मुहूर्त निवडले होते. काही तासातच ‘झिरो’चा ट्रेलर रिलीज होणार आहे. या चित्रपटात शाहरुख एका बुटक्या व्यक्तिची भूमिका साकारतोय. त्याचे फॅन्स या चित्रपटाची आतुरतेने वाट पाहात आहेत. 

So much Electrifying atmosphere outside
Mannat. Only
SHAH RUKH SHAH RUKH chants ❤️ INDIAN
KE SHAAN SHAH RUKH KHAN BHARAT KE
SHAAN SHAH RUKH KHAN#HappyBirthdaySRKpic.twitter.com/n0ehbe2tW8

— HANIF (@HanifTheSRKian) November 1, 2018