टीम इंडियाची Victory परेड पाहून शाहरुख खानचं ट्वीट; खेळाडूंना म्हणाला, 'Boys in Blue..."

बॉलिवूडचा किंग शाहरुख खाननेही खेळाडूंची Victory परेड पाहून ट्वीट केले.

भारतीय संघ टी 20 विश्वकप जिंकून काल मायदेशी परतला. आधी दिल्ली आणि नंतर मुंबईत खेळाडूंचं जंगी स्वागत झालं. मरीन ड्राईव्हवर त्यांची मिरवणूकही काढण्यात आली. नंतर वानखेडे स्टेडियमवर छोटा कार्यक्रम पार पडला. यावेळी लाखो क्रिकेटप्रेमी मरीन ड्राईव्ह आणि वानखेडेमध्ये एकत्र आले होते. ही गर्दी चाहत्यांचं क्रिकेटप्रेम दाखवून देणारी होती. बॉलिवूडचा किंग शाहरुख खाननेही (Shahrukh Khan)  खेळाडूंची Victory परेड पाहून ट्वीट केले.

सध्या सगळीकडूनच टीम इंडियाचं कौतुक होतंय. सर्वजण अजूनही विश्वकप जिंकल्याच्या आनंदात आहे. शाहरुख खाननेही ट्वीट करत खेळाडूंचं कौतुक केलं. तो लिहितो, "खेळाडूंना इतकं आनंदात आणि भावूक पाहून माझंही ऊर भरुन आलं. त्यांनी केलेली ही कामगिरी पाहून भारतीय असल्याचा अभिमान वाटतो. लव्ह यू ऑल टीम इंडिया... आता रात्रभर नाचा, जल्लोष करा. बॉईज इन ब्लू टेक अवे ऑल द ब्लूज. बीसीसीआयचे, जय शाहचे आणि संपूर्ण सपोर्ट स्टाफचेही अभिनंदन. या सर्वांनीच पडद्यामागून खूप मेहनत केली."

Seeing the boys so happy and emotional fills my heart with pride…. As Indians this is such an amazing moment - to see our boys take us to such great heights!!! Love u all my Team India… and now dance away all night long.
Boys in Blue take away all the blues!
Big… https://t.co/zN3jUC9mvP

— Shah Rukh Khan (@iamsrk) July 4, 2024

टीम इंडियाचा जयघोष आणखी काही काळ असाच सुरु राहणार आहे. टीम इंडियाची ही कामगिरी वर्षानुवर्ष लक्षात ठेवली जाणार आहे. शेवटी आपण वर्ल्ड चॅम्पियन असल्याचं सिद्ध करुन आलो आहोत याचा सर्वच भारतीयांना अभिमान आहे.