ट्विंकलच्या मागे फिरायचा शाहिद!
By ऑनलाइन लोकमत | Published: December 29, 2016 09:04 PM2016-12-29T21:04:23+5:302016-12-29T23:47:21+5:30
बॉलिवूड अभिनेत्री व आता लेखिका असलेली ट्विंकल खन्नाचा वाढदिवस साजार होत असताना तिच्याबद्दलच्या अनेक बातम्या चर्चेत आल्या आहेत. वाढदिवसाच्या ...
ट्विंकलच्या मागे फिरायचा शाहिद!
Next शाहिद कपूरचे लग्न मीरा राजपूत हिच्याशी झाले आहे. दोघांना मिशा नावाची गोड मुलगी आहे. तर ट्विंकल खन्नानेही अक्षय कुमार याला आपला जोडीदार निवडला आहे. तिलाही दोन मुले आहेत. डिझायनर व लेखिका म्हणून ट्विंकल आपली आगळी वेगळी ओळख निर्माण करीत आहे. अशातच शाहिदने केलेला खुलासा अनेकांना धक्का देणारा ठरला आहे.
दिग्दर्शक करण जोहरच्या ‘कॉफी विद करण’ या शोमध्ये त्याने हे जाहीर केले. मिड डेच्या बातमीनुसार शाहिद किशोरावस्थेत असताना तो व त्याचा एक मित्र एकत्र एका हॉटेलच्या स्विमिंग पूलाजवळ ट्विंकलचा पाठलाग करीत होते. त्यावेळी ट्विंकल ‘इतिहास’ या चित्रपटाचे शूटिंग करीत होती. या चित्रपटात शाहिदची आई निलिमा अजीमची भूमिका होती. शाहिद ट्विंकलला एकटक पाहत असे. शाहिदने हा खुलासा केल्यावर करण जोहर देखील आश्चर्यचकित झाला कारण तो देखील ट्विंकलचा लहानपणापासूनचा मित्र असून तो देखील ट्विंकलवर भाळला होता. याचा खुलासा त्याने काही दिवसांपूर्वी केला होता.
शाहिदचे किशोरावस्थेतील प्रेम अधुरे राहिले असले तरी देखील त्याचे नाव समकालिन अनेक अभिनेत्रींशी जोडण्यात आले. यात करिना कपूर ते प्रियांका चोप्रा यांचाही समावेश आहे. करिना व शाहिद यांचे अफेअर बरेच दिवस चालले. दोघांच्या बे्रकअपच्या बातम्या त्यावेळी सर्वाधिक चर्चेचा विषय ठरल्या होत्या. बॉलिवूडमधील टाप ब्रेकअपमध्येही दोघांच्या नावाचा उल्लेख केला जातो. मात्र शाहिदला सोडून गेलेल्या करिनाने सैफला पसंती दिली. दरम्यान शाहिदचे नाव प्रियांका चोप्राशी जोडण्यात आले होते. आता मात्र तो आपल्या संसारात सुखी आहे.