शाहिद कपूर आणि मीरा राजपूत यांच्या घरी पुन्हा एकदा हलणार पळणा!

ब�

��लिवूड स्टार शाहिद कपूर आणि मीरा राजपूत पुन्हा एकदा मम्मी-पाप्पा बनणार आहे. होय, तुम्ही बरोबर वाचलात शाहिद कपूरच्या घरी पुन्हा एकदा पाळणा हलणार आहे. ही आनंदाची बातमी स्वत: शाहिद कपूरने आपल्या फॅन्सना दिली आहे. शाहिदने मीशाचा फोटो शेअर करत बिग सिस्टर असे त्या फोटोला कॅप्शन दिले आहे. तसेच मीराच्या बाजूला खडूने खूप सारे फुग्यांचे चित्र काढण्यात आले आहे. 

 

गेल्या काही दिवसांपासून बॉलिवूडमध्ये शाहिद पुन्हा एकदा वडिल बनणार असल्याची चर्चा होती. मात्र यावर शाहिद आणि मीराने अजूनपर्यंत काहीच अधिकृत उत्तर दिले नव्हते. मात्र शनिवारी शाहिदने सगळ्यांन सोबत ही गोड बातमी शेअर केली. 2017 मध्ये मीरा राजपूतने एका इंटरव्हु दरम्यान करिअरबद्दल विचारले असता, मला लवकरात लवकर स्वत:ला कामात झोकून द्यायचे आहे. काही तरी क्रिएटीव्ह करण्याची योजना आहे. कामासोबतच मला कुटुंबासाठीही वेळ द्यायचा आहे. आमच्या दुस-या मुलाबद्दलही आम्ही विचार चालवला आहे, असे ती म्हणाली. म्हणजेच, मीशाला दुसरा भाऊ किंवा बहीण मिळणे जवळजवळ पक्के आहे.

शाहिद आणि मीरा सातत्याने आपल्या चिमुकलीचे फोटो इन्स्टाग्रामवर शेअर करीत असतात. मीशाच्या प्रत्येक फोटोला युजर्सकडून पसंत केले जात असल्याने ती सध्या सोशल मीडियावर चर्चेत राहणाºया स्टार किड्सपैकी एक बनली आहे. थोडक्यात आपल्या मम्मी-पप्पाप्रमाणेच मीशा लोकप्रिय होताना दिसत आहे. मिशाचा जन्म २६ आॅगस्ट २०१६ रोजी झाला. काही दिवसांपूर्वीच तिचा पहिला वाढदिवस साजरा करण्यात आला आहे. 

२०१५ मध्ये शाहिदने दिल्लीचीच रहिवासी असलेल्या मीरा राजपूत हिच्याशी विवाह केला होता. २६ आॅगस्ट २०१६ रोजी  मीशाचा जन्म झाला. मीशाच्या जन्मानंतर प्रत्येकाला तिच्या एका झलकची आतुरता लागली होती. कारण सुरुवातीचे काही दिवस शाहिद आणि मीराने मीशाला मीडियापासून दूर ठेवले होते. त्यानंतर मीशाचा एक फोटो शाहिदने शेअर केला.