'कभी ईद कभी दिवाली'नंतर शहनाज गिलला लागली मोठी लॉटरी?, आता थेट गाठणार अमेरिका

Shehnaaz Gill : शहनाज गिलचा एक व्हिडीओ समोर आला आहे. यात ती अमेरिकेला जाणार असल्याचं सांगताना दिसते आहे.

पंजाबची सुप्रसिद्ध अभिनेत्री शहनाज गिल (Shehnaaz Gill) तिच्या बॉलिवूड डेब्यूमुळे बऱ्याच दिवसांपासून चर्चेत आहे. आगामी काळात ही अभिनेत्री बॉलिवूडचा सुपरस्टार सलमान खान(Salman Khan)च्या आगामी 'कभी ईद कभी दिवाळी' (Kabhi Eid Kabhi Diwali) या चित्रपटात दिसणार आहे. रविवारी शहनाज गिल मुंबईतील मेहबूब स्टुडिओबाहेर अभिनेता संजय दत्त(Sanjay Dutt)सोबत दिसली. पापाराझीशी बोलताना शहनाज गिलने स्वतः सांगितले की ती संजू बाबासोबत अमेरिकेला जात आहे.

पापाराझींनी शेअर केलेल्या व्हिडिओमध्ये शहनाज गिल लाल रंगाच्या ड्रेसमध्ये दिसली होती. यादरम्यान शहनाज गिलने लाल रंगाच्या ड्रेसमध्ये फोटोग्राफरसमोर अनेक पोज दिल्या. यानंतर शहनाज गिल हसत म्हणाली, 'संजू बाबा के साथ मैं चली अमेरिका.'

View this post on Instagram

A post shared by Viral Bhayani (@viralbhayani)

काही दिवसांपूर्वी अर्पिता खान शर्माच्या ईद पार्टीत सलमानसोबत केलेल्या वर्तनामुळे शहनाज गिलला ट्रोलिंगचा सामना करावा लागला होता. शहनाजने सलमानला मिठी मारली आणि किस केले. इतकंच नाही तर सलमान खान स्वतः शहनाज गिलला तिच्या गाडीत सोडायलाही गेला होता.

संजू बाबासोबत अमेरिकेला जाण्याचे वक्तव्य ऐकून अनेक चाहत्यांनी सलमान खानच्या 'कभी ईद कभी दिवाळी'नंतर शहनाज गिलला आणखी एक मोठा चित्रपट मिळण्याची शक्यता वर्तवली आहे. मात्र, या चर्चेवर शहनाजकडून अद्याप कोणतीही प्रतिक्रिया आलेली नाही. 'कभी ईद कभी दिवाळी'चा भाग होण्यापूर्वी शहनाज गिल सलमान खानच्या रिअॅलिटी शो 'बिग बॉस १३' मध्ये दिसली होती. या शोमधून शहनाजला प्रेक्षकांमध्ये वेगळी ओळख मिळाली. संजय दत्त आणि शहनाज गिल यांना ऑनस्क्रीन एकत्र पाहण्यासाठी त्यांचे चाहते उत्सुक आहेत.