'कुछ कुछ होता है!' 'शाहरुख खान राणी मुखर्जी' ला एकत्र बघून चाहते जुन्या आठवणीत रमले

कोलकाता आंतरराष्ट्रीय चित्रपट महोत्सव सुरु झाला आहे. या महोत्सवात काल अनेक बॉलिवुड कलाकारांनी हजेरी लावली. यावेळी एका जोडीने सर्वांचे लक्ष वेधून घेतले ,

कोलकाता आंतरराष्ट्रीय चित्रपट महोत्सव (Kolkata International Film Festival) सुरु झाला आहे. या महोत्सवात काल अनेक बॉलिवुड कलाकारांनी हजेरी लावली. यावेळी एका जोडीने सर्वांचे लक्ष वेधून घेतले , ते म्हणजे शाहरुख खान (Shahrukh Khan) आणि राणी मुखर्जी (Rani Mukherjee) . 

'कुछ कुछ होता है', 'चलते चलते' असे अनेक हिट चित्रपटातून शाहरुख आणि राणीची जोडी मोठ्या पडद्यावर बघितली. ९० च्या दशकात या जोडीनेही प्रेक्षकांना वेड लावले होते. अनेक दिवसांनी कोलकाता आंतरराष्ट्रीय महोत्सवात या दोघांना एकत्र बघितल्याने चाहते खूप खूश झालेत. पुन्हा एकत्र सिनेमात काम करा अशी मागणी चाहते करताना दिसत आहेत.

राणी मुखर्जी सध्या मोजक्याच सिनेमांमध्ये दिसते तर शाहरुखही ३ वर्षांनंतर पठाण सिनेमातून मोठ्या पडद्यावर दिसणार आहे. त्यामुळे शाहरुख आणि राणीची क्युट जोडी चाहते मिस करत आहेत. दोघांना एकत्र पाहण्याची चाहत्यांमध्ये उत्सुकता आहे.