Aryan Khan Video: “अरे भावा, तुझ्या चेहऱ्यावर नेहमी...”, आर्यन खानच्या या सवयीला वैतागले लोक

Aryan Khan Video: शाहरूख खानचा ‘लाडला’ आर्यन खान या ना त्या कारणानं सतत चर्चेत असतो. कधी तो बॉलिवूडच्या पार्ट्यांना हजेरी लावतो. कधी एअरपोर्टवर स्पॉट होतो. कालपरवा आर्यन खान अशाच एका पार्टीत पोहोचला. पण हे काय? आर्यनला पाहताच, पुन्हा एकदा चाहत्यांना एकच प्रश्न सतावू लागला.

शाहरूख खानचा  (Shah Rukh Khan ) ‘लाडला’ आर्यन खान या ना त्या कारणानं सतत चर्चेत असतो. कधी तो बॉलिवूडच्या पार्ट्यांना हजेरी लावतो. कधी एअरपोर्टवर स्पॉट होतो. कालपरवा आर्यन खान (Aryan Khan ) अशाच एका पार्टीत पोहोचला. पण हे काय? आर्यनला पाहताच, पुन्हा एकदा चाहत्यांना एकच प्रश्न सतावू लागला. होय, काजल आनंदच्या पार्टीत अनेक स्टारकिड्स सहभागी झालेत. आर्यनही या पार्टीत दिसला. पार्टीत एन्ट्री घेतानाचा त्याचा व्हिडीओ सोशल मीडियावर व्हायरल होतोय.  हा व्हिडीओ समोर आला आणि आर्यनला अनेकांनी ट्रोल करायला सुरूवात केली.  

व्हिडीओत आर्यन खान पार्टीच्या ठिकाणी एंट्री करताना दिसतोय.  पांढऱ्या रंगाच्या लक्झरी कारमधून तो येतो. साहजिकच पापाराझी त्याच्याभोवती गर्दी करतात. मात्र आर्यनच्या चेहऱ्यावरची एक रेघही हलत नाही. तो गाडीतून उतरतो आणि आजूबाजूला न पाहता थेट आत जातो. नेमकी हीच गोष्ट चाहत्यांना खटकलीये. याच्या चेहऱ्यावर कायम गंभीर भाव का असतात? असा प्रश्न चाहत्यांना पडला.  

View this post on Instagram

A post shared by Viral Bhayani (@viralbhayani)

युजर्सनी आर्यनचा गंभीर चेहरा पाहून वेगवेगळ्या कमेंट्स केल्या आहेत.  ‘अरे, हा आर्यन कधीच का हसत नाही…?’, असं एकाने लिहिलं.  ‘कधीतरी हसून प्रतिसाद देण्याचा प्रयत्न कर’, असा सल्ला एका युजरने दिला.   ‘आर्यनकडे पार्ट्यांमध्ये जाण्याशिवाय दुसरं काम नाही,’ अशी कमेंट अन्य एका युजरने केली. ‘याचा चेहरा नेहमीच सुजल्यासारखा का असतो? कभी तो हस दे मेरे भाई’ असा प्रश्न एका युजरने केला. नेहमी याच्या चेहऱ्यावर बारा वाजलेले असतात, अशी कमेंटही एकाने केली.

View this post on Instagram

A post shared by Aryan Khan 🤍 (@aryankhanfanclub)

सगळ्यांना ठाऊक आहेच की, आर्यनला ॲक्टिंगमध्ये काहीही इंटरेस्ट नाही. त्याला पडद्यामागे राहून काम करायचं आहे. नुकतीच त्याने एका सिनेमाची घोषणा केली होती. आर्यन दीर्घकाळापासून एका सिनेमाच्या स्क्रिप्टवर काम करत होता. फायनली ते काम पूर्ण झालं आहे.  चर्चा खरी मानाल तर आर्यन खान नेटफ्लिक्सच्या आगामी वेब सीरिजच्या दिग्दर्शनाची धुरा सांभाळत आहे.  लवकरच तो आई गौरी आणि बाबा शाहरुख खानच्या ‘रेड चिलीज एंटरटेनमेंट’ या प्रॉडक्शन हाऊसमधून लेखक आणि दिग्दर्शक म्हणून बॉलिवूड पदार्पण करणार आहे.