Jawanसाठी शाहरुख खान बनला कोरिओग्राफर, या गाण्यात स्टेप्स बसवून केली कमाल

Shah Rukh Khan : बॉलिवूडचा किंग खान शाहरुख खान २०२३ मध्ये 'पठाण' नंतर दोन चित्रपट प्रेक्षकांच्या भेटीला घेऊन येणार आहे.

बॉलिवूडचा किंग खान शाहरुख खान (Shah Rukh Khan) २०२३ मध्ये 'पठाण' (Pathaan) नंतर दोन चित्रपट प्रेक्षकांच्या भेटीला घेऊन येणार आहे. 'जवान' (Jawan) आणि 'डंकी' (Dunki) या चित्रपटानंतर शाहरुख खान बॉक्स ऑफिसवर बंपर कमाई करणार आहे. काही दिवसांपूर्वीच शाहरुख खानच्या 'जवान' चित्रपटाचा प्रिव्ह्यू रिलीज झाला होता, त्यानंतर हा चित्रपट चर्चेत आहे. प्रिव्ह्यूच्या प्रत्येक सीनची बरीच चर्चा होत आहे. याआधी शाहरुख खानच्या टक्कलवाल्या लूकची बरीच चर्चा होती. त्यानंतर शाहरुख खानने शेवटच्या प्रिव्ह्यूमध्ये केलेल्या डान्सबाबत चर्चा सुरू झाली आहे. दरम्यान, आता याबाबत एक बातमी समोर आली आहे, या गाण्याची कोरिओग्राफी शाहरुखने केली असल्याचे सांगण्यात येत आहे.

शाहरुख खान, नयनतारा आणि विजय सेतुपती यांच्या मुख्य भूमिका असलेला 'जवान' हा चित्रपट पुन्हा एकदा प्रीव्ह्यूसाठी चर्चेत आला आहे. याचे कारण म्हणजे 'जवान'च्या प्रिव्ह्यूमध्ये शाहरुख खानने केलेला डान्स. ज्याची बरीच चर्चा होत आहे. आता याबाबत नवीन बातम्या येत आहेत. झूमच्या रिपोर्टनुसार, 'बेकरार करके हमें' गाण्याच्या डान्स स्टेप्स खुद्द शाहरुख खानने कोरिओग्राफ केल्या आहेत. 'जवान'च्या शेवटच्या प्रीव्ह्यूमध्ये एक सीन आहे, ज्यामध्ये शाहरुख खान मेट्रोमध्ये 'बेकरार करके हमें' गाण्यावर डान्स करताना दिसला होता. जे लोकांना खूप आवडले.

View this post on Instagram

A post shared by Shah Rukh Khan (@iamsrk)

या दिवशी जवान होणार रिलीज 
शाहरुख खानच्या 'जवान' चित्रपटाचा प्रिव्ह्यू पाहिल्यानंतर चाहते आता चित्रपटाच्या रिलीजची वाट पाहत आहेत. शाहरुख खानचा हा चित्रपट 7 सप्टेंबर 2023 रोजी रिलीज होणार आहे. या चित्रपटात शाहरुख खानसोबत नयनतारा आणि विजय सेतुपती यांच्याही महत्त्वाच्या भूमिका आहेत. याशिवाय दीपिका पदुकोण या चित्रपटात कॅमिओ करणार आहे.