या व्यक्तिच्या सांगण्यावरुन सिनेमांमध्ये आली होती शमिता शेट्टी, आजही आहे या गोष्टीचा पश्चाताप

शमिताने 2001 मध्ये बॉलिवूडमध्ये डेब्यू केला होता.

शमिता शेट्टीने बॉलिवूडमध्ये अनेक चित्रपट केले आहेत. पण त्यानंतरही तिला स्वतःची ओळख निर्माण करता आली नाही. शमिता आज तिचा 42 वा वाढदिवस साजरा करते आहे. शमिताच्या वाढदिवसाच्या निमित्ताने आम्ही त्याच्याशी संबंधित काही खास गोष्टी सांगणार आहोत.

शमिता शेट्टीचा जन्म 2 फेब्रुवारी 1979 रोजी झाला. शमिताने तिचे शिक्षण सेंट अँथनी गर्ल्स हायस्कूलमध्ये केले. तिने सेडेनहॅम कॉलेजमधून पदवी घेतली. 
 इतकेच नाही तर शमिताने मुंबईतील महाविद्यालयातून डिझाईन डिझायनिंगचा अभ्यासही केला. शमिता प्रसिद्ध डिझायनर मनीष मल्होत्रासोबत इंटर्नशिप करत होती. एके दिवशी मनीष त्याला म्हणाला की तुझ्याकडे अभिनयाची स्पार्क आहे, तुम्ही तिथे प्रयत्न करा.

यानंतर शमिताने 2001 मध्ये बॉलिवूडमध्ये डेब्यू केला होता. ‘मोहब्बतें’ या ब्लॉकबस्टर चित्रपटाद्वारे तिने आपल्या अभिनयाच्या करिअरला सुरुवात केली. . या चित्रपटासाठी तिला आयफाचा सर्वोत्कृष्ट पदार्पण अभिनेत्रीचा पुरस्कारही मिळाला. त्याच वर्षी तिचे 'शरारा शरारा' हे गाणे आले. या गाण्यामुळे शमिता एक रात्रीत स्टार झाली.  2005 मध्ये रिलीज झालेल्या ‘जाहरा’ चित्रपटात शमिताच्या कामाला चांगलीच पसंती मिळाली होती. चित्रपटांद्वारे शमिताने इंटिरियर डिझायनिंगमध्ये नाव कमावले. 

चित्रपटांत डाळ शिजत नाही म्हटल्यावर शमिताने छोट्या पडद्याकडे मोर्चा वळवला. बिग बॉस 3, खतरों के खिलाडी 9, झलक दिखला जा 8 अशा काही रिअ‍ॅलिटी शोमध्ये ती स्पर्धक बनून आली. पण यापश्चातही शमिताला यशाने हुलकावणी दिली. आज शमिताची ओळख आहे, ती केवळ शिल्पा शेट्टीची बहीण म्हणून. खरे तर शमिताला तिचीच एक चूक नडली. चुकीच्या निर्णयाने तिचे करिअर संपले. होय, खुद्द शमिताने एका मुलाखतीत हे सांगितले होते.

ती म्हणाली, ‘मी एका हिट चित्रपटाने करिअरची सुरुवात केली. पण दुर्दैवाने माझे करिअर माझ्या अपेक्षेनुसार चालले नाही. याचे कारण मी स्वत: आहे. ज्यावेळी माझ्याकडे काम होते, त्यावेळी मी ते करायला नकार दिला. मी अतिचोखंदळ झाले. ही माझी चूक होती. पण ही चूक लक्षात येईपर्यंत खूप उशीर झाला होता. इंडस्ट्रीतील नियम पाळले असते...‘काश...’ मी आणखी काम केले असते....’ अलीकडेच शमिता 'ब्लॅक विंडो' या वेबसिरीजमध्ये दिसली होती.