Shamshera Poster Leaked: 'शमशेरा'मधील रणबीर कपूरचा लूक झाला लीक, अभिनेत्याच्या लूकला मिळतेय पसंती
By ऑनलाइन लोकमत | Published: June 18, 2022 01:35 PM2022-06-18T13:35:12+5:302022-06-18T13:35:46+5:30
Shamshera Movie: आता सोशल मीडियावर शमशेरा चित्रपटातील रणबीर कपूरचा लूक व्हायरल झाला आहे
Shamshera Poster Leaked: 'शमशेरा'मधील रणबीर कपूरचा लूक झाला लीक, अभिनेत्याच्या लूकला मिळतेय पसंती
Next रणबीर कपूर(Ranbir Kapoor)च्या शमशेरा (Shamshera Movie) या चित्रपटाची चाहत्यांना बऱ्याच दिवसांपासून प्रतीक्षा आहे. या चित्रपटाबद्दल चाहत्यांमध्ये प्रचंड उत्साह असून प्रत्येकजण त्याची झलक पाहण्यासाठी आतुरतेने वाट पाहत आहे. आता सोशल मीडियावर शमशेरा चित्रपटातील रणबीर कपूरचा लूक व्हायरल झाला आहे. ट्विटरवर रणबीरच्या कॅरेक्टरचे पोस्टर कोणीतरी लीक केले आहे.
#Shamshera ट्विटरवर ट्रेंड होताना दिसत आहे. या हॅशटॅगसह युजर्स सतत रणबीर कपूरचे पोस्टर शेअर करत आहेत. या पोस्टरमध्ये रणबीर कपूर कधीही न पाहिलेल्या अवतारात दिसत आहे. शमशेरामध्ये रणबीर एका डाकूच्या भूमिकेत दिसणार आहे. अशा परिस्थितीत त्याच्या पोस्टरमधील त्याचा लूक एकदम हटके आहे.
In #Shamshera Ranbir looks fiercely fearless
— Azadi on July22nd (@humblekapoor) June 18, 2022
That hand holding dealdy weapon indicating ready for battle of life ,freedom pic.twitter.com/rhNmSdI8XK
पोस्टरमध्ये रणबीर कपूर एका डाकूच्या अवतारात दिसत आहे. त्याला लांब दाढी, मिशा आणि मोठे केस आहेत. त्याचवेळी, त्याने फाटलेले आणि बेज रंगाचे कपडे घातले आहेत. रणबीर समोर मोठी कुऱ्हाड घेऊन कोणाकडे तरी रागाने पाहत आहे. पोस्टरमधील चित्रपटाची टॅगलाइन - करम से डाकू, धर्म से आझाद.
I always speculated weather Ranbir who has a chocolate boy type pampering able to mould himself as a Dacoit.. but this looks so real.. He has inherited Acting ... Too good .. #Shamsherapic.twitter.com/boYpFlpoom
— We, the people (@Babumoshayi_) June 18, 2022
रणबीर कपूरचा हा लूक चाहत्यांना खूप आवडला आहे. काही युजर्सचे म्हणणे आहे की या लूकने त्यांचे मन जिंकले आहे. रणबीरच्या डोळ्यांची तीव्रता आणि त्याचा डाकू लुक खूपच सुखावणारा आहे. तसेच त्याला चित्रपटात पाहण्यासाठी चाहतेही उत्सुक झाले आहेत. एका युजरने ट्विट केले की, 'रणबीर त्याच्या चॉकलेट बॉय इमेजमधून कधी बाहेर येईल का, असा प्रश्न मला नेहमी पडतो, पण त्याचा या डाकूचा लूक अगदी खरा आहे. त्याचा अभिनय उत्तम असेल. दुसर्‍या युजरने ट्विट केले आहे की, 'हे माइंड ब्लोइंग आहे.'
Just a single leaked poster is enough to create hype !
Ranbir kapoor in and as #Shamshera . pic.twitter.com/0anPiDII1l— Team Ranbir Kapoor 彡 (@RanbirKTeam) June 18, 2022
करण मल्होत्रा शमशेराचे दिग्दर्शन करत आहे. या चित्रपटात रणबीर कपूर डाकू शमशेराची भूमिका साकारताना दिसणार आहे. त्याच्यासोबत संजय दत्त आणि वाणी कपूर असणार आहेत. याशिवाय आशुतोष राणा, सौरभ शुक्ला, रोनित रॉय या कलाकारांच्याही या चित्रपटात महत्त्वाच्या भूमिका असल्याचं कळतंय. हा चित्रपट २२ जुलै २०२२ रोजी जगभरात प्रदर्शित होणार आहे.