Shocking : अजय देवगण साकारणार योग गुरू बाबा रामदेवची भूमिका!!

ब�

��लिवूडचा सिंघम अजय देवगण याच्या चाहत्यांसाठी एक चांगली बातमी आहे. होय, अजय देवगण योग गुरू बाबा रामदेव यांच्या जीवनावर बायोपिकची निर्मिती करीत असून, त्यात तो स्वत: बाबा रामदेवच्या भूमिकेत बघावयास मिळणार आहे. अजय देवगणने दिग्दर्शन, निर्माता आणि अभिनेता म्हणून ‘शिवाय’मध्ये काम केले होते. त्याच्या या चित्रपटाने बॉक्स आॅफिसवर चांगला गल्ला जमविला होता. परंतु समीक्षकांना अपेक्षित असल्याप्रमाणे त्याचा हा चित्रपट फारसा करिष्मा दाखवू शकला नव्हता. 

आता अशी बातमी येत आहे की, अभिनेता अजय देवगण अभिनव शुक्ला यांच्याबरोबर ‘बाबा रामदेव : द अनटोल्ड स्टोरी’ नावाच्या चित्रपटाची निर्मिती करीत आहे. हा चित्रपट बाबा रामदेव आणि त्यांचे सहकारी बालकृष्णा यांच्या जीवनावर आधारित असेल. एक सर्वसामान्य व्यक्ती कशा पद्धतीने योग गुरु बनून आंतरराष्टÑीय स्तरावर स्वत:ला सिद्ध करतो. योगाचे महत्त्व पटवून देताना असाध्य आजारांवर कशी मात करता येऊ शकते, याचा मंत्र लोकांना कसा देतो याबाबतची माहिती चित्रपटात दाखविली जाणार आहे. या चित्रपटाला अजय प्रोड्यूस करणार असल्याचे सुरुवातीला बोलले जात होते. 



मात्र आता अजयच्या चाहत्यांसाठी एक खुशखबरी असून, तो स्वत:च बाबा रामदेवच्या भूमिकेत बघावयास मिळणार आहे. सुरुवातीला या भूमिकेसाठी विक्रांत मेस्सी याचा विचार करण्यात आला होता. मात्र काही कारणांमुळे तो या प्रोजेक्टमध्ये काम करू शकला नाही. त्यामुळे अजयच्या नावाचा विचार केला गेला. मात्र अधिकृतरीत्या अद्यापपर्यंत त्याच्या नावाची घोषणा केली गेली नाही. मात्र अजयच ही भूमिका साकारेल हे ठामपणे बोलले जात आहे. 

असो, सध्या अजय देवगण त्याच्या आगामी ‘बादशाहो’ आणि ‘गोलमाल अगेन’ या चित्रपटांमध्ये व्यस्त आहे. हे दोन प्रोजेक्ट संपल्यानंतरच अजय ‘बाबा रामदेव : द अनटोल्ड स्टोरी’ या चित्रपटाच्या शूटिंगला सुरुवात करणार आहे. आता अजय बाबा रामदेव या भूमिकेला कितपत न्याय देऊ शकेल हे बघणे औत्सुक्याचे ठरेल.