फुलराणी सायना नेहवालच्या घरी पोहोचली श्रद्धा कपूर, पहा फोटो !

आगामी ‘हसीना पारकर’ या चित्रपटात दाऊद इब्राहिमच्या बहिणीची भूमिका साकारणारी अभिनेत्री श्रद्धा कपूर लवकरच बॅडमिंटनपटू सायना नेहवाल हिच्यावर आधारित ...

आ�

��ामी ‘हसीना पारकर’ या चित्रपटात दाऊद इब्राहिमच्या बहिणीची भूमिका साकारणारी अभिनेत्री श्रद्धा कपूर लवकरच बॅडमिंटनपटू सायना नेहवाल हिच्यावर आधारित बायोपिकमध्ये सायनाची भूमिका साकारताना बघावयास मिळणार आहे. या भूमिकेसाठी श्रद्धा प्रचंड मेहनत घेत असून, बॅडमिंटनचे धडे खुद्द सायनाकडून घेत आहे. काही दिवसांपूर्वीच दोघींचे कोर्टवरील फोटो समोर आले होते. आता श्रद्धा सायनाच्या हैदराबाद येथील घरी पोहचली असून, तिने सायनाबरोबरच तिच्या आई-वडिलांचीही भेट घेतली आहे. यावेळी श्रद्धाने सायनाच्या फॅमिलीसोबत लंच केले, तसेच सायनाचा घरातील वावर कसा असतो, याविषयीची माहितीही जाणून घेतली. 





खरं तर श्रद्धा या बायोपिकमध्ये कुठलीच कमतरता सोडू इच्छित नाही. ती ही भूमिका परफेक्ट करण्यासाठी फुलराणी सायना नेहवालच्या सगळ्या बाबी समजून घेत आहे. केवळ बॅडमिंटन कोर्टवरच नव्हे तर तिच्या डेली हॅबिटही ती समजून घेत आहे. त्यासाठी ती अधिकाधिक सायनासोबत वेळ घालण्याचा प्रयत्न करीत आहे. यासाठी श्रद्धाने चक्क एक दिवस सायना नेहवालच्या घरीच ठाण मांडले. यावेळी केवळ तिने सायनाशीच गप्पा मारल्या नाहीत, तर तिच्या आई-वडिलांबरोबरही चर्चा केली. याबाबतचे काही फोटोज् सायनाने तिच्या इन्स्टाग्राम अकाउंटवर शेअर केले असून, त्यात ती सायनाच्या परिवारात चांगलीच रमल्याचे दिसून येत आहे. 





श्रद्धाने शेअर केलेल्या या फोटोंमध्ये ती सायनासोबत जेवण करताना आणि तिच्या डॉगी चॉप्सीबरोबर मस्ती करताना दिसत आहे. सायनाची आई उषा आणि वडील हरविंदर सिंग हेदेखील श्रद्धाची मेहमाननवाजी करण्याची एकही कसर सोडत नसल्याचे दिसून येत आहे. दरम्यान, सायनाच्या या बायोपिकला ‘स्टेनली का डब्बा’ आणि ‘हवा हवाई’ फेम अमोल गुप्ते दिग्दर्शित करीत आहे. 





श्रद्धाचा आगामी ‘हसीना पारकर’ हा चित्रपट येत्या २२ सप्टेंबर रोजी रिलीज होत आहे. सध्या श्रद्धा चित्रपटाच्या प्रमोशनमध्ये व्यस्त आहे. त्याचबरोबर ती सायनाच्या बायोपिकसाठी बॅडमिंटनही शिकत आहे. सध्या श्रद्धा प्रचंड व्यस्त असलेली अभिनेत्री आहे. कारण प्रोजेक्टबरोबरच तिच्याकडे ‘बाहुबली’ प्रभास  याचा ‘साहो’ हा बिग बजेट प्रोजेक्टही आहे. या चित्रपटाच्या शूटिंगला ती लवकरच सुरुवात करणार असून, चित्रपटात ती प्रभासची अभिनेत्री म्हणून काम करणार आहे.