‘हाफ गर्लफ्रेण्ड’मधील नव्या गाण्यात पहा श्रद्धा कपूरचा कातिलाना अंदाज!

श�

��रद्धा कपूर आणि अर्जुन कपूर यांचा आगामी ‘हाफ गर्लफ्रेण्ड’ हा चित्रपट प्रेक्षकांच्या मनात स्थान निर्माण करण्यात काहीसा यशस्वी होताना बघावयास मिळत आहे. आतापर्यंत ‘हाफ गर्लफ्रेण्ड’चे पोस्टर, ट्रेलर आणि गाणी रिलीज झाली असून, ते प्रेक्षकांना प्रचंड भावत असल्याचे दिसून येत आहे. श्रद्धा आणि अर्जुनची केमिस्ट्री त्यांच्या फॅन्सना आवडत असून, आता त्यांना चित्रपटाची प्रतीक्षा आहे. 



या चित्रपटाशी संबंधित आज आम्ही तुम्हाला चित्रपटातील पुढच्या गाण्यातील काही फोटोज् दाखवित आहोत. हे गाणे उद्या रिलीज होणार असून, त्याचे फोटोज् आजच ‘सीएनएक्स मस्ती’च्या वाचकांसाठी आम्ही उपलब्ध करून दिले आहेत. ज्या पद्धतीने प्रेक्षकांना ‘हाफ गर्लफ्रेण्ड’ची दोन्ही गाणी पसंत आलीत त्याचपद्धतीने हेही गाणे प्रेक्षकांच्या हृदयाचा ठाव घेणार आहे. हे गाणे फरहान सईद यांनी कंपोज केले आहे, तर श्रेया घोषालने त्यास आवाज दिला आहे. गाण्याचे बोल कुमार यांनी लिहिले असून, श्रद्धा आणि अर्जुनच्या अदाकारीने हे गाणे उत्कृष्ट करण्याचा प्रयत्न करण्यात आला आहे. 



हे गाणे यावर्षांच्या सर्वोत्कृष्ट गाण्यापैकी एक असेल, यात काही शंका नाही. गाण्यातील श्रद्धाचा अंदाज बघण्यासारखा असून, ती त्यात खूपच सुंदर दिसत आहे. गाण्यातील श्रद्धाचे फोटो बघून तुम्हाला त्याचा अंदाज येईलच. उपलब्ध माहितीनुसार ‘थोडी देर’ हे शीर्षक असलेल्या या गाण्यात प्रेम, प्रपोज, तक्रार आणि वेदना असा सगळाच मसाला आहे. 



‘हाफ गर्लफ्रेण्ड’मध्ये अर्जुन कपूरने माधव झा या पात्राची भूमिका साकारली आहे, तर श्रद्धा कपूर रिया सोमानीच्या भूमिकेत बघावयास मिळणार आहे. प्रसिद्ध लेखक चेतन भगत यांच्या कांदबरीवर हा चित्रपट आधारित असून, मोहित सुरी यांनी दिग्दर्शन केले आहे. हा चित्रपट १९ मे रोजी रिलीज होणार आहे.