मराठमोळ्या 'पुष्पा'ची साऊथमध्ये एन्ट्री; पहिल्यांदाच झळकणार दाक्षिणात्य सिनेमात

Shreyas talpade: साऊथ सिनेमाला आपला आवाज दिल्यानंतर श्रेयसने थेट दाक्षिणात्य सिनेमामध्येच एन्ट्री केली आहे. लवकरच तो एका कन्नड सिनेमात झळकणार आहे.

दाक्षिणात्य सुपरस्टार अल्लू अर्जुन (allu arjun) याच्या 'पुष्पा' (pushpa) या सिनेमाने बॉक्स ऑफिसवर चांगलंच गाजवलं. २०२१ मध्ये प्रदर्शित झालेला हा सिनेमा तामिळ, कन्नड, मल्याळम आणि हिंदी या भाषांमध्ये प्रदर्शित झाला होता. विशेष म्हणजे हिंदीत प्रदर्शित झालेल्या या सिनेमाला अभिनेता श्रेयस तळपदे (shreyas talpade) याने पुष्पाराज या मुख्य भूमिकेला आवाज दिला होता. साऊथ सिनेमाला आपला आवाज दिल्यानंतर श्रेयसने थेट दाक्षिणात्य सिनेमामध्येच एन्ट्री केली आहे. लवकरच तो एका कन्नड सिनेमात झळकणार आहे.

मराठीसह बॉलिवूडमध्ये आपला जम बसवणाऱ्या श्रेयसने त्याचा मोर्चा साऊथ सिनेमांकडे वळवला आहे. ही माहिती खुद्द श्रेयसने दिली आहे. श्रेयसने इन्स्टाग्रामवर काही फोटो पोस्ट केले आहेत. सोबतच तो साऊथ सिनेमांमध्ये पदार्पण करत असल्याचं त्यांने सांगितलं.

श्रेयस लवकरच 'अजग्रथा' नावाच्या कन्नड चित्रपटात झळकणार आहे. या सिनेमात तो मुख्य भूमिका साकारणार आहे. "आपने मुझे साऊथ मुव्ही के हिंदी डब में इतना प्यार दिया. अब आप मुझे देखेंगे साऊथ मुव्ही हिरो अवतार में. नवीन सुरुवात", असं कॅप्शन देत त्याने ही पोस्ट शेअर केली आहे.

दरम्यान, श्रेयसची मुख्य भूमिका असलेल्या या सिनेमाचा नुकताच मुहूर्त सोहळा पार पडला. या चित्रपटाचे दिग्दर्शन एम शशिधर करत आहेत आणि राधिका कुमारस्वामी त्याच्यासोबत स्क्रीन शेअर करणार आहे.