Sidharth Kiara Wedding : सिद्धार्थ-कियाराच्या संगीत सेरेमनी दरम्यान अभिनेत्याच्या वडिलांची अचानक बिघडली तब्येत, अन्...

Siddharth Kiara Wedding: सिद्धार्थ मल्होत्रा आणि कियारा अडवाणी जैसलमेरच्या सूर्यगड पॅलेसमध्ये लग्नबेडीत अडकल्याचे समजते आहे. ६ फेब्रुवारीला त्यांची संगीत सेरेमनी पार पडली.

२०१८ मध्ये सुरू झालेली सिद्धार्थ मल्होत्रा (Siddharth Malhotra) आणि कियारा अडवाणी (Kiara Advani) यांची प्रेमकहाणी आता शेवटच्या टप्प्यात आली आहे. दोघांनीही सात जन्म एकत्र राहण्याचा निर्णय घेतला आणि कुटुंबानेही या निर्णयाला सहमती दर्शवली. त्यांच्या लग्नाचा प्रत्येक सोहळा राजेशाही थाटात पार पडल्याचे वृत्त आहे, ज्याची झलक समोर आली आहे. मात्र सोमवारी त्यांचा संगीत सेरेमनी पार पडला. तेव्हा सिद्धार्थ मल्होत्राचे वडील सुनील मल्होत्रा ​​अचानक आजारी पडले. याबाबत कोणतीही अधिकृत माहिती नसली तरी संगीतादरम्यान त्यांची तब्येत अचानक बिघडल्याचे मीडिया रिपोर्ट्समध्ये सांगण्यात येत आहे.

सिद्धार्थच्या वडिलांची तब्येत बिघडली तेव्हा संगीत सेरेमनी सुरू होती, असे सांगितले जात आहे. त्यांना उलट्या झाल्या त्यामुळे घरातील सर्व सदस्य घाबरले. पाहुण्यांमध्ये थोडा संभ्रम पसरला. त्यानंतर डॉक्टरांना बोलावण्यात आले. सिद्धार्थच्या वडिलांना त्यांच्या खोलीत नेऊन विश्रांतीचा सल्ला दिला. मात्र, विश्रांतीनंतर त्यांची तब्येत सुधारल्याने ते पुन्हा कुटुंबासह संगीत कार्यक्रमात पोहोचल्याचे सांगण्यात येत आहे. रात्री उशिरापर्यंत संगीत सुरू होते.

View this post on Instagram

A post shared by Viral Bhayani (@viralbhayani)

सिद्धार्थ आणि कियारा दिल्ली आणि मुंबईत कोणतेही रिसेप्शन ठेवणार नसल्याचे बोलले जात आहे. त्याऐवजी आज रात्री जैसलमेरच्या सूर्यगड पॅलेसमध्ये लग्नाचे रिसेप्शन होणार आहे. ज्यामध्ये लग्नाला उपस्थित असलेल्या पाहुण्यांव्यतिरिक्त काही बॉलिवूड सेलिब्रिटीही पोहोचण्याची शक्यता आहे. या रिसेप्शनमध्ये सलमान खान, शाहरुख खान, काजोल आणि अजय देवगण देखील सहभागी होऊ शकतात असे बोलले जात आहे. याआधी बातमी आली होती की आधी दिल्लीत रिसेप्शन होणार आहे आणि त्यानंतर मुंबईत बॉलिवूडसाठी एक भव्य पार्टी आयोजित केली जाईल ज्यामध्ये त्या सर्व लोकांना आमंत्रित केले जाईल जे या लग्नाला येऊ शकले नाहीत.