हुबेहुब सिद्धू मुसेवालासारखाच दिसतो त्याचा लहान भाऊ; आई-वडिलांनी पहिल्यांदाच दाखवली झलक

दिवंगत पंजाबी गायक सिद्धू मुसेवालाच्या आई-वडिलांनी त्यांच्या लहान मुलाचा फोटो नुकताच सोशल मीडियावर शेअर केला आहे. 

Sidhu Moosewala: लोकप्रिय पंजाबी गायक सिद्धू मुसेवालाची (Sidhu Moosewala) २९ मे २०२२ रोजी हत्या करण्यात आली होती. त्याच्या हत्येनंतर आईवडिलांवर दु:खाचा डोंगर कोसळला. एकुलता एक मुलाच्या हत्येनंतर त्यांनी आयव्हीएफ(IVF)च्या माध्यमातून पुन्हा आईवडील होण्याचा निर्णय घेतला होता. या वयात आई होणार असल्याने अनेकांना आश्चर्याचा धक्का बसला. काही महिन्यांपूर्वीच सिद्धू मुसेवालाच्या आईला रुग्णालयात दाखल करण्यात आल्याचं समोर आलं होतं. आता त्यांना पुत्ररत्नाची प्राप्ती झाली. १७ मार्च २०२३ रोजी त्यांना मुलगा झाला. त्याच्या रुपाने सिद्धूच परत आल्याचं सर्वांना वाटलं.

 दरम्यान, सोशल मीडियावर सिद्धू मुसेवालाच्या धाकट्या भावाचा फोटो समोर आला आहे, या फोटोंमध्ये त्याची आई चरणकौर आणि वडील बलकौल सिंहदेखील दिसत आहेत. सिद्धूच्या छोट्या भावाचा हा फोटो सोशल मीडियावर तुफान व्हायरल होतोय.

सिद्धू मुसेवालाचे वडील बलकौर सिंह यांनी त्यांच्या सोशल मीडियावरुन बाळाचा फोटो शेअर केला आहे.सोशल मीडियावर या गोंडस बाळाचा फोटो सिद्धूचे  चाहतेही खूप खुश धाले आहेत. शुभदीप असं सिद्धू मुसेवालाच्या धाकट्या भावाचं नाव ठेवण्यात आलंय. शुभदीपने फिकट निळ्या रंगाचा शर्ट आणि जीन्स, डोक्यावर पगडी, हसमुख चेहरा असं लोभसवाणं रूप पाहून नेटकऱ्यांनी सिद्धू मुसेवालाच्या भावावर प्रेमाचा वर्षाव केला आहे.