किसमे कितना है दम! 'सिंघम अगेन' की 'भूल भुलैय्या ३' बॉक्स ऑफिसवर कोणाचं पारडं जड?

'सिंघम अगेन' आणि 'भूल भुलैय्या ३' या सिनेमांनी ऐन दिवाळीत बॉक्स ऑफिसवर धमाका केला. पहिल्या दिवसापासूनच या दोन्ही सिनेमांना थिएटरमध्ये हाऊसफूल बोर्ड लागले आहेत. पण, बॉक्स ऑफिसवर या दोन सिनेमांपैकी कोणाचं पारडं जड आहे, याचे बॉक्स ऑफिस रिपोर्ट समोर आले आहेत. 

Singham Again vs Bhool Bhulaiyaa 3: दिवाळीच्या मुहुर्तावर बॉलिवूडचे दोन बिग बजेट सिनेमे बॉक्स ऑफिसवर प्रदर्शित झाले. 'सिंघम अगेन' आणि 'भूल भुलैय्या ३' या सिनेमांनी ऐन दिवाळीत बॉक्स ऑफिसवर धमाका केला. पहिल्या दिवसापासूनच या दोन्ही सिनेमांना थिएटरमध्ये हाऊसफूल बोर्ड लागले आहेत. पण, बॉक्स ऑफिसवर या दोन सिनेमांपैकी कोणाचं पारडं जड आहे, याचे बॉक्स ऑफिस रिपोर्ट समोर आले आहेत. 

१ नोव्हेंबरला अजय देवगणचा सिंघम अगेन आणि कार्तिक आर्यनचा 'भूल भुलैय्या ३' सिनेमा थिएटरमध्ये रिलीज करण्यात आला. हे दोन्हीही सीक्वेल असल्याने प्रेक्षकही या सिनेमांसाठी उत्सुक होते. या सिनेमाचं बॉक्स ऑफिस कलेक्शन समोर आलं आहे. पहिल्या दिवसापासूनच सिनेमांनी कोटींमध्ये कमाई करत दिवाळीत बॉक्स ऑफिसवर धमाकाच केला. सलग तीन दिवस दिवाळी वीकेंड असल्याने सिंघम अगेन आणि 'भूल भुलैय्या ३' दोन्ही सिनेमांना प्रेक्षकांचा चांगला प्रतिसाद मिळाला. पण, सोमवारपासून मात्र सिनेमांच्या कमाईत थोडी घट झाल्याचं पाहायला मिळत आहे. 

पहिल्या वीकेंडनंतर 'सिंघम अगेन' आणि 'भूल भुलैय्या ३' सिनेमाने बॉक्स ऑफिसवर १०० कोटींचा टप्पा पार केला. सिनेमाच्या कमाईत घट झाली असली तरी पाचव्या दिवसानंतर 'सिंघम अगेन'ने १५० कोटींचा गल्ला जमवला. आणि 'भूल भुलैय्या ३' ने १३७ कोटींची कमाई केली. सहाव्या दिवशी 'सिंघम अगेन'ने १०.२५ कोटींचा गल्ला जमवला आहे. तर 'भूल भुलैय्या ३' ने १०.५० कोटी कमावले आहेत. बॉक्स ऑफिसवर या दोन्ही सिनेमांमध्ये रस्सीखेच पाहायला मिळत आहे.