सिर्फ तुम फेम प्रिया गिल आता दिसते अशी, ओळखणे देखील झाले कठीण

शाहरूख, सलमानसोबत काम करणाऱ्या आणि एकेकाळी आघाडीची नायिका म्हणून ओळखल्या जाणाऱ्या प्रिया गिलला कालांतराने यशाने अशी काही हुलकावणी दिली की, बॉलिवूडला तिने कायमचा रामराम ठोकला.  

ठळक मुद्दे1995 साली मिस इंडिया फायनलिस्ट राहिलेल्या प्रिया गिलने 1996 साली ‘तेरे मेरे सपने’ या चित्रपटाद्वारे बॉलिवूडमध्ये डेब्यू केला.

बॉलिवूडमध्ये अनेक कलाकार नेहमी एंट्री करत असतात, काही जण बॉलिवूडमध्ये हिट होतात तर काही बॉलिवूडचा कायमचा निरोप घेतात. आज आम्ही तुम्हाला अशाच एका अभिनेत्रीविषयी सांगणार आहोत.

शाहरूख, सलमानसोबत काम करणाऱ्या आणि एकेकाळी आघाडीची नायिका म्हणून ओळखल्या जाणाऱ्या अभिनेत्रीला कालांतराने यशाने अशी काही हुलकावणी दिली की, बॉलिवूडला तिने कायमचा रामराम ठोकला.  

1995 साली मिस इंडिया फायनलिस्ट राहिलेल्या प्रिया गिलने 1996 साली ‘तेरे मेरे सपने’ या चित्रपटाद्वारे बॉलिवूडमध्ये डेब्यू केला. कमी बजेटचा हा सिनेमा सुपरहिट ठरला. यानंतर 1998 साली ‘शाम घनश्याम’ या चित्रपटात प्रिया झळकली. पण या चित्रपटाला फार यश मिळू शकले नाही. तेरे मेरे सपने हा तिचा पहिला चित्रपट होता. या चित्रपटाला प्रेक्षकांची चांगलीच पसंती मिळाली होती. 

पहिल्या चित्रपटाच्या रिलीजनंतर चार वर्षांनी आलेल्या ‘सिर्फ तुम’ या चित्रपटाने प्रियाला खरी ओळख दिली. ‘सिर्फ तुम’च्या यशाने प्रिया गिल अचानक चर्चेत आली. पण हे यश फार काळ टिकले नाही.

सलमान खान, नागार्जुन, सुष्मिता सेन, संजय कपूर अशा अनेकांसोबत प्रियाने काम केले. 19 वर्षांपूर्वी रिलीज झालेल्या ‘जोश’मध्ये ती शाहरूखची हिरोईन बनली. त्यानंतर ‘बडे दिलवाला’त प्रियाची वर्णी लागली. पण या चित्रपटानंतर तिच्या फिल्मी करिअरला ओहोटी लागली. पुढे तर साईड हिरोईन इथपर्यंतच तिची ओळख मर्यादित झाली. 

‘एलओसी’ या सिनेमात प्रिया अखेरची झळकली. पण तोपर्यंत प्रिया गिलची जादू पुरती ओसरली होती. यामुळे प्रियाने बॉलिवूडमध्ये सोडून साऊथकडे मोर्चा वळवला. ‘मेघम’ हा मल्याळम सिनेमा तिने साईन केला. पंजाबी सिनेमातही तिने काम केले. अखेरिस भोजपुरी सिनेमे करण्याची वेळ तिच्यावर आली. यानंतर मात्र ती जणू गायब झाली.