...म्हणून पूजा हेगडेने नाकारला सूरज पांचोलीचा चित्रपट!

ong>आषुतोष गोवारिकर यांच्या ‘मोहनजोेदडो’ या चित्रपटातून बॉलिवूडमध्ये पदार्पण करणारी पूजा हेगडे हिने एका चित्रपटाला नकार दिला आहे, म्हणे तिला केवळ ए लिस्ट अभिनेत्यांसोबतच काम क रायचे आहे. ज्या चित्रपटाला तिने नकार दिला आहे त्या चित्रपटात तिच्या अपोझिट सूरज पांचोली भूमिका करणार होता. 

मोहनजोदडो या चित्रपटात पूजाच्या अपोझिट हृतिक रोशन याने भूमिका केली होती. तिच्या सुंदरतेची व अभिनयाची प्रशंसा करण्यात आली होती. मात्र मोहनजोदडो हा चित्रपट बॉक्स आॅफिसवर फ्लॉप ठरल्याने पूजाला मोठ्या आॅफर मिळाल्या नाहीत. सूत्रानी दिलेल्या माहितीनुसार, पूजाला ‘अल्ला के बंदे’ या चित्रपटासाठी भूमिका आॅफ र करण्यात आली होती. हा चित्रपट फारुख कबीर दिग्दर्शित करीत आहे. मात्र सूरज पांचोली तिच्या अपोझिट असल्याने तिने या चित्रपटाला नकार दिला आहे. यासाठी तिने सूरज हा ‘ए लिस्ट’ अभिनेता नसल्याचे सांगितले आहे. 



पूजाचा हा निर्णय तिचे बॉलिवूड करिअर नष्ट करणारा ठरू शकतो. यामागे सर्वांत मोठे कारण सूरज पांचोलीच्या डोक्यावर असलेला सलमान खानचा हात असे सांगण्यात येते आहे. यामुळे सूरज जवळ अनेक चित्रपटांचे आॅफर आहेत. एकही चित्रपट हातात नसताना पूजाला सूरजला नकार देणे चांगलेच महागात पडू शकते. एक प्रकारे पूजा हेगडे हिने सलमान खानसोबतच पंगा घेतला आहे असे मानले जात आहे. 



दरम्यान पूजा पुन्हा एकदा टॉलिवूडमध्ये परतणार असल्याचे सांगण्यात येत आहे. ती हरीश शंकर यांचा चित्रपट ‘डीजे’मध्ये अल्लू अर्जुनच्या अपोझिट दिसणार आहे. या चित्रपटासाठी पूजाचे नाव फायनल मानले जात आहे. यातील पूजाचा रोल सर्वांना आकर्षक करणारा ठरणारा आहे. 

Web Title: ... So Pooja Hegde denies the movie of Suraj Pancholi!

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.