SONG Main Kaun Hoon!! ​आमिर खानच्या ‘सीक्रेट सुपरस्टार’चे पहिले गाणे तुम्ही ऐकले?

ब�

��लिवूडचा मिस्टर परफेक्शनिस्ट आमिर खान याच्या ‘सीक्रेट सुपरस्टार’ या चित्रपटाचे पहिले गाणे अगदी काही क्षणांपूर्वी रिलीज झाले. हे गाणे चित्रपटाची लीड अ‍ॅक्ट्रेस जायरा वसीम हिच्यावर चित्रीत करण्यात आले आहे. यात जायरा स्वत:ची ओळख लपवताना दिसतेय.
‘सीक्रेट सुपरस्टार’चा ट्रेलर याआधी तुम्ही बघितला आहेच. त्यामुळे गायिका बनण्याचे स्वप्न उराशी बाळगणाºया एका मुलीची ही कथा आहे, हे तुम्हाला ठाऊक आहेच. पित्याचा विरोध मोडून काढत, ही मुलगी तिचे पहिले गाणे रेकॉर्ड करते आणि यु-ट्यूब चॅनलवर टाकते, असे या गाण्यात दिसते. अर्थात   हे करताना तिच्या मनातील वेदनाच जणू तिच्या गाण्यात जिवंत होते. ‘मैं कौन हूं’ असा प्रश्न या गाण्यातून ती विचारते. हे गाणे पाहिल्यानंतर जायरा या चित्रपटासाठी किती परफेक्ट आहे, हेच दिसते. चित्रपटाच्या कथेत जायरा अगदी फिट बसते, हे तिला पाहताक्षणी वाटून जाते.



ALSO READ : ‘सीक्रेट सुपरस्टार’चा ट्रेलर रिलीज; फंकी अंदाजात दिसला आमीर खान!

अमित त्रिवेदीने कंपोज केलेल्या या गाण्याचे बोल लिहिले आहेत, कौसर मुनीरने. १६ वर्षांच्या मेघना मिश्राने या गाण्याला आपला आवाज दिला आहे. आमिर खान या चित्रपटात कॅमिओ रोलमध्ये दिसणार आहे. ‘दंगल’ या ब्लॉकबस्टरच्या रिलीजनंतर सातच दिवसांत आमिरने ‘सीक्रेट सुपरस्टार’ची झलक दाखवली होती. तेव्हापासून या चित्रपटाबद्दल प्रेक्षक उत्सूक आहे. आमिरच्या प्रॉडक्शन हाऊसखाली तयार होणाºया या चित्रपटाचे दिग्दर्शक आहेत अद्वैत चंदन. आमिर यात एका संगीतकाराची भूमिका साकारताना दिसेल. येत्या दिवाळीच्या मुहूर्तावर रिलीज होणाºया ‘सीक्रेट सुपरस्टार’ची लीड अ‍ॅक्ट्रेस जायरा वसीम ही आमिरच्या ‘दंगल’मध्येही दिसली होती. गीता फोगटच्या लहानपणाची भूमिका तिने साकारली होती.