SONG OUT : ​टागयर श्रॉफ म्हणतो, ‘मुन्ना मायकल’चे ‘बेपरवाह’ गाणे आत्तापर्यंतचे सर्वाधिक कठीण गाणे!

ब�

��लिवूड अभिनेता टायगर श्रॉफ याच्या ‘मुन्ना मायकल’ या आगामी चित्रपटाचे ‘बेपरवाह’ हे गाणे रिलीज झाले. टायगरचे मानाल तर, ‘मुन्ना मायकल’चे हे गाणे त्याचे आत्तापर्यंतचे सर्वाधिक आव्हानात्मक गाणे होते. गाण्याच्या रिलीजवेळी टायगरने त्याच्या सोशल अकाऊंटवर एक व्हिडिओ शेअर केलाय. ‘बेपरवाह’ हे गाणे माझ्यासाठी खूप चॅलेंजिंग होते. हे आत्तापर्यंतचे सर्वांत मोठे गाणे आहे. प्रत्येक शॉट व टेकनंतर मला अक्षरश: मळमळायला व्हायचे. कारण मी प्रत्येक शॉटमध्ये जीव ओतण्याचे प्रयत्न करायचो. मला समोर काहीही दिसायचे नाही. केवळ लाईट्स आणि मी. एखाद्या वेड्या व्यक्तिसारखा मी नुसता नाचत सुटलेला असायचो, असे टायगर या व्हिडिओत सांगतोय. मी या गाण्यासाठी प्रचंड मेहनत केलीय. लोकांना माझे हे कष्ट अपील होतील, अशी मी अपेक्षा करतो, असेही तो म्हणाला. आता टायगर असा का म्हणाला, हे गाण्याचा व्हिडिओ पाहिल्याशिवाय तुम्हाला कळणार नाहीच. तेव्हा बघा तर आणि मायकलने या गाण्यासाठी घेतलेली मेहनत तुम्हाला किती अपील झाली, तेही आम्हाला कळवा.

गाण्याचा व्हिडिओ पाहण्यासाठी येथे क्लिक करा

ALSO READ : song out : ​‘मुन्ना मायकल’चे ‘डिंग डॉन्ग’ गाणे एकदा ऐकाच!

सब्बीर खान दिग्दर्शित ‘मुन्ना मायकल’ हा चित्रपट येत्या २१ जुलैला प्रेक्षकांच्या भेटीस येतो आहे. ‘मुन्ना मायकल’मध्ये टायगर स्ट्रिट डान्सर बनला आहे. लहानपणी रस्त्यांवर नाचून पैसे गोळा करणा-या टायगरला एकदिवस नॅशनल डान्स कॉम्पिटीशनमध्ये भाग घेण्याची संधी मिळते आणि त्याचे नशीब एकदम कलाटणी घेते, अशी ही कथा आहे. ‘मुन्ना मायकल’ हा साबीर खानसोबतचा टायगरला तिसरा चित्रपट आहे. याआधी साबीरच्या ‘हिरोपंती’ आणि ‘बागी’मध्ये टायगर दिसला आहे. अभिनेत्री निधी अग्रवाल ही या चित्रपटाद्वारे बॉलिवूड डेब्यू करते आहे. नवाजुद्दीन सिद्दीकी हाही यात महत्त्वपूर्ण भूमिकेत आहे.