​पुन्हा एकदा सोनू सूदला मिळणार ‘प्रभू’ची साथ!

ब�

��लिवूड अभिनेता व निर्माता सोनू सूद पुन्हा प्रभू देवा यांच्यासोबत दिसू शकतो.यापूर्वी ‘तूतक तूतक तूतिया’ या चित्रपटात सोनू व प्रभूची जोडी एकत्र दिसली होती. सोनूने या चित्रपटात अभिनय केला होता. शिवाय तो या चित्रपटाचा निर्माताही होता. तेव्हापासून त्यांच्यात चांगलेच सूर जुळले. आता सोनूने प्रभूसोबत पुन्हा एकदा काम करण्याची इच्छा व्यक्त केलीय. 

अलीकडे एका मुलाखतीत सोनू म्हणाला, मी आणि प्रभू आमच्या नव्या चित्रपटासाठी एका चांगल्या कथेच्या शोधात आहोत. माझी व प्रभूची चांगली बॉन्डिंग आहे. आमचा परस्परांवर विश्वास आहे. आम्ही दोघांनी एकत्र खूप चांगला वेळ घालवलाय. एकंदर काय तर सोनू व प्रभूमध्ये एका नव्या चित्रपटाबद्दल काहीतरी खिचडी नक्की शिजतयं. आता काय, ते लवकरच आपल्याला कळेल. पण सोनू व प्रभू एकत्र येणार, हे मात्र नक्की झालय. अर्थात त्यासाठी आपल्याला काही दिवस प्रतीक्षा करावी लागणार आहे.

 सोनू सध्या जॅकी चॅनच्या ‘कुंग फू योगा’ या चित्रपटात बिझी आहे. हा चित्रपट लवकरच प्रदर्शित होतो आहे. या चित्रपटात दिशा पाटणी हिची सुद्धा महत्त्वपूर्ण भूमिका आहे. सोनूने अलीकडे एका चीनी चित्रपटातही झळकला होता. ‘जुआजांग’ नामक या चित्रपटात सोनूने भारतीय राजा हर्षवर्धनची भूमिका केली होती. चीनकडून हा चित्रपट आॅस्करसाठी पाठवला जाणार आहे. त्यामुळे सोनू सध्या जाम खूश आहे.सोनूसोबत या चित्रपटात नेहा शर्मा आणि बिग बॉस फेम मंदारा करिमी यांनी सुद्धा काम केलेयं.
‘तूतक तूतक तूतिया’ हा सोनू सूदचा पहिला प्रॉडक्शन सिनेमा होता. हा हॉरर कॉमेडी असलेला सिनेमा लोकांना चांगलाच भावला होता.