श्रीदेवीचा खुलासा; ‘या’ कारणामुळेच ‘शिवगामी’च्या भूमिकेला नकार!

ब�

��लॉकबस्टर ‘बाहुबली-२’ असा चित्रपट आहे, ज्यामधील सर्वच पात्र अमर झाले आहेत. चित्रपटाने किती कमाई केली हा जरी चर्चेचा विषय असला तरी, अजूनही हा चित्रपट चित्रपटगृहांमध्ये दाखविला जात आहे, हे विशेष म्हणावे लागेल. ‘अमरेंद्र बाहुबली, भल्लाल देव, शिवगामी, माहेशम्ती, देवसेना, कटप्पा’ हे सर्वच पात्र आजही प्रेक्षकांच्या स्मरणात आहेत. विशेष म्हणजे यासर्व भूमिका दाक्षिणात्य कलाकारांनी साकारल्या आहेत. मात्र यातील एक भूमिका अशी होती की ज्याकरिता बॉलिवूड अभिनेत्री श्रीदेवीला विचारण्यात आले होते. त्यावेळी तिने यास नकार दिला होता. आज ‘बाहुबली २’ला मिळालेली अफाट प्रसिद्धी बघता श्रीदेवीला त्याचा पश्चाताप तर होत नसेल ना? असा प्रश्न सातत्याने उपस्थित केला जात आहे. आता या प्रश्नाचा श्रीदेवीने खुलासा केला असून, तिच्या चाहत्यांना तो कितपत पटेल हे सांगणे मुश्किलच म्हणावे लागेल. 

‘बाहुबली-२’मधील शिवगामीची भूमिका दाक्षिणात्य अभिनेत्री राम्या कृष्णन हिने साकारली. राम्याने या भूमिकेला पुरेपूर न्याय दिला आहे. कारण तिचा अभिनय सर्वच अंगानी सरस ठरला आहे. मात्र राम्याने साकारलेल्या शिवगामीच्या याच भूमिकेसाठी दिग्दर्शक एस. एस. राजामौली यांनी अभिनेत्री श्रीदेवीला विचारणा केली होती. मात्र त्यावेळी मानधनावरून श्रीदेवीने या भूमिकेला नकार दिला होता. परंतु आता तिला याचा पश्चाताप होतो काय? याचा मात्र तिने अद्यापपर्यंत खुलासा केला नव्हता. आता श्रीदेवीने एका मुलाखतीत याविषयीचा खुलासा केला असून, तो तिच्या चाहत्यांना कितपत पचेल हे अवघडच म्हणावे लागेल. 



श्रीदेवीने सांगितले की, ‘मी प्रामाणिकपणे सांगू इच्छिते की, मी अद्यापपर्यंत हा (बाहुबली-२) चित्रपट बघितला नाही. मी हा चित्रपट नाकारला होता, याविषयी मी अद्यापपर्यंत याकरिता काही बोलले नाही की, मला याचा खुलासा हैदराबाद येथे करायचा आहे. लोक विचार करीत आहेत की, मी या चित्रपटात का काम केले नाही? तर याचे उत्तर देताना मी एकच सांगेन की, खासगी कारणास्तव मी नकार दिला होता. वास्तविक असे बरेचसे चित्रपट आहेत, ज्यामध्ये मी काम करण्यास नकार दिला आहे. परंतु त्यावर कोणीही अद्यापपर्यंत चर्चा केलेली नाही. कारण लोक त्या चित्रपटांवर बोलणे टाळतात. त्यातच सध्या सर्वत्र बाहुबलीची चर्चा असल्याने त्याच्याशी माझा आलेला किंचितसा संबंधच या चर्चांना कारण ठरत आहे. परंतु त्यावरचा मी विस्तृत खुलासा हैदराबाद येथे करणार आहे. 

दरम्यान, श्रीदेवी सध्या तिच्या आगामी ‘मॉम’ या चित्रपटाच्या प्रमोशनमध्ये व्यस्त आहे. या चित्रपटाचे दुसरे ट्रेलरही रिलीज झाले असून, या चित्रपटातून श्रीदेवीला बºयाचशा अपेक्षा आहेत. चित्रपटात नवाजुद्दीन सिद्दीकी आणि अक्षय खन्ना यांच्याही प्रमुख भूमिका आहेत.