​श्रीदेवीच्या या प्रसिद्ध चित्रपटाचा बनवला जाणार रिमेक

श�

��रीदेवीच्या करियरमध्ये तिने एकापेक्षा एक हिट चित्रपट दिले आहेत. चालबाज हा तिच्या करियरमधील एक उत्कृष्ट चित्रपट मानला जातो. या चित्रपटात श्रीदेवीने डबल रोल साकारला होता. अतिशय साधी अंजू आणि अतिशय मस्तीखोर मंजू अशा दोन वेगवेगळ्या भूमिकेत प्रेक्षकांना तिला चालबाज या चित्रपटात पाहायला मिळाले होते. या चित्रपटात श्रीदेवीसोबतच सनी देओल, रजनिकांत यांच्या मुख्य भूमिका होत्या. या चित्रपटाने बॉक्स ऑफिसवर चांगलाच धंदा केला होता. या चित्रपटातील श्रीदेवीच्या भूमिकेचे चांगलेच कौतुक झाले होते. या चित्रपटातील भूमिकेसाठी श्रीदेवीला अनेक पुरस्काराने सन्मानित देखील करण्यात आले आहे. 
चालबाज या चित्रपटाची कथा ही राम और श्याम, सीता और गीता यांसारख्या चित्रपटांसारखीच होती. या चित्रपटाच्या कथेत नावीण्य नसले तरी श्रीदेवीने तिच्या अभिनयाने या चित्रपटाला चार चाँद लावले होते. प्रेक्षकांच्या आवडत्या चालबाज या चित्रपटाचा आता रिमेक बनवला जाणार असल्याची चर्चा आहे. या चित्रपटाच्या रिमेकच्या तयारीला लवकरच सुरुवात होणार आहे. या चित्रपटाच्या रिमेकचे दिग्दर्शन डेव्हिड धवन करणार आहेत. डेव्हिड यांनी याआधी अनेक हिट चित्रपट बॉलिवूडला दिले आहेत. मूळ 
चालबाज या चित्रपटाचे दिग्दर्शन पंकज पराशर यांनी केले होते. आता डेव्हिड धवन त्यांच्या अंदाजात या चित्रपटाचे दिग्दर्शन करणार आहेत. चालबाज या चित्रपटात श्रीदेवीची भूमिका साकारण्यासाठी सध्या बॉलिवूडमधील अनेक अभिनेत्रींचा विचार केला जात असल्याची चर्चा आहे तर या चित्रपटात नायकाच्या भूमिकेत वरुण धवन प्रेक्षकांना पाहायला मिळणार आहे. 
डेव्हिड धवन यांनी सलमान खानचा डबल रोल असलेल्या जुडवा या चित्रपटाचे दिग्दर्शन केले होते. या चित्रपटाला प्रेक्षकांनी डोक्यावर घेतले होते. या चित्रपटाच्या यशानंतर जुडवा २ नुकताच प्रेक्षकांच्या भेटीस आला होता. या चित्रपटाचे दिग्दर्शन देखील डेव्हिड धवन यांनी केले होते. 
डेव्हिड धवन यांनी नायकाचा डबल रोल असलेल्या जुडवा या चित्रपटाचे खूपच चांगले दिग्दर्शन केले होते. त्यामुळे प्रेक्षकांना त्यांच्या चालबाज या चित्रपटाकडून खूप साऱ्या अपेक्षा आहेत. 

Also Read : लेक जान्हवी कपूरच्या ‘धडक’मध्ये या खास भूमिकेत दिसू शकते श्रीदेवी!