Stree And Bhediya Sequel: ओ स्त्री कल आना...! परत येतेय 'स्त्री २', सोबतीला वरूण धवनचा 'भेडिया २' 

Stree And Bhediya Sequel: 'स्त्री' हा हॉरर कॉमेडी सिनेमा तुफान गाजला. आता या सिनेमाचा सीक्वल येतोय. होय, 'स्त्री २'च्या रिलीज डेटची घोषणा झालीये.

Stree and Bhediya Sequels :  'स्त्री' हा हॉरर कॉमेडी सिनेमा तुफान गाजला. आता या सिनेमाचा सीक्वल येतोय. होय, 'स्त्री २'च्या रिलीज डेटची घोषणा झालीये. काल रात्री जिओ स्टुडिओच्या एका इव्हेंटमध्ये बॉलिवूडच्या अनेक स्टार्सनी हजेरी लावली. आमिर खान, हृतिक रोशन, अभिषेक बच्चन, राजकुमार राव, श्रद्धा कपूर, क्रिती सॅनन, वरूण धवन असे सगळे यावेळी हजर होते. याच इव्हेंटमध्ये 'स्त्री २'ची घोषणा करण्यात आली. 'भेडिया २'चीही घोषणा यावेळी करण्यात आली. या सिनेमांची रिलीज डेटही जाहिर करण्यात आली.

'स्त्री' हा सिनेमा 2018 साली प्रदर्शित झाला होता. अमर कौशिकने हा सिनेमा दिग्दर्शित केला होता आणि दिनेश विजान व राज ॲण्ड डीकेने मिळून हा चित्रपट प्रोड्यूस केला होता. पंकज त्रिपाठी या सिनेमात महत्त्वपूर्ण भूमिकेत होते. चित्रपटाची आगळीवेगळी कथा व पात्रांनी सिनेमा संस्मरणीय बनवला होता. 'स्त्री २' चित्रपटाच्या रिलीजची तारीखही जाहीर करण्यात आली आहे. 'स्त्री २'मध्ये श्रद्धा कपूर, राजकुमार राव, अपारशक्ती खुराणा, अभिषेक बॅनर्जी पुन्हा एकदा एकत्र दिसणार आहेत. हा सिनेमा ३१ ऑगस्ट २०२४ रोजी रिलीज होईल.

इव्हेंटमध्ये 'भेडिया २'ची देखील घोषणा करण्यात आली. गेल्यावर्षी 'भेडिया' रिलीज झाला होता. यात वरूण धवन मुख्य भूमिकेत होता. हा सिनेमाही अमर कौशिक यांनीच दिग्दर्शित केला होता तर दिनेश विजान या सिनेमाचा प्रोड्यूसर होता. 'भेडिया'ला प्रेक्षकांचा संमिश्र प्रतिसाद मिळाला होता. आता हा सिनेमा तुम्ही ओटीटीवर बघू शकणार आहात. येत्या २१ एप्रिलला हा सिनेमा जिओ सिनेमावर रिलीज होतोय.