Gadar 2 Video: ‘गदर २’च्या सेटवरचा व्हिडीओ व्हायरल, शेवटच्या दिवशी असा शूट झाला ॲक्शन सीन

Gadar 2 Video: सनी देओल व अमीषा पटेलच्या ‘गदर २’ या सिनेमाची प्रेक्षक आतुरतेने प्रतीक्षा करत आहेत. तूर्तास या सिनेमाच्या सेटवरचा एक व्हिडीओ तुफान व्हायरल होतोय.

Gadar 2 Video: सनी देओल (Sunny Deol ) व अमीषा पटेलच्या (Ameesha Patel) ‘गदर २’ या सिनेमाची प्रेक्षक आतुरतेने प्रतीक्षा करत आहेत. होय, चाहते जणू क्रेझी झाले आहेत. ‘गदर २’बद्दलची प्रत्येक छोटी अपडेट आली रे आली की, सोशल मीडियावर चर्चा सुरू होते. तूर्तास या सिनेमाच्या सेटवरचा एक व्हिडीओ तुफान व्हायरल होतोय. ‘गदर २’चं शूटींग संपलं आहे. येत्या ११ ऑगस्टला सिनेमा चित्रपटगृहांत धडकणार आहे. सोशल मीडियावर ‘गदर २’च्या अखेरच्या दिवसाचा व्हिडीओ व्हायरल होतोय. एक शेवटचा ॲक्शन सीन शूट होत असल्याचं व्हिडीओत दिसतंय. 

Finaly #Gadar2 ka shoot complete hogya @Anilsharma_dir sir trailer kuch jabrdst laiyega or sbka muh band kar dijiyega jaise gadar1 me kiya tha#Hindustan zindabad pic.twitter.com/HC7zojVrS2

— Rahul Gupta (@rahulgupta50600) March 15, 2023

‘गदर २’ अनिल शर्मा यांनी दिग्दर्शित केला आहे. सिनेमाचा पहिला पार्टही त्यांनीच दिग्दर्शित केला होता. सेकंड पार्टमध्ये सनी देओल व त्याचा मुलगा जीते अर्थात उत्कर्ष शर्माचा जबरदस्त क्लायमॅक्स सीन आहे. यासाठी लखनौत पाकिस्तानचा सेट उभारण्यात आला होता.

Yesterday eve a moment of joy with sunny sir @iamsunnydeol#GADAR2#11aug23pic.twitter.com/8tC4sdOzXN

— Anil Sharma (@Anilsharma_dir) March 15, 2023

‘गदर २’ला १९७०मध्ये झालेल्या भारत-पाकिस्तान युद्धाची पार्श्वभूमी आहे. आधारित असणार आहे. ‘गदर’मध्ये तारा सिंह आपल्या पत्नीला परत आणण्यासाठी पाकिस्तानात गेला होता. यावेळी तो आपल्या मुलाला सोडवण्यासाठी पाकिस्तानामध्ये शिरकाव करताना दिसणार आहे. ‘गदर’मध्ये एक प्रेमकथा पाहायला मिळाली होती, तर यावेळी ‘गदर २’मध्ये वडील-मुलाच्या नात्यातील हळवे बंध पाहायला मिळणार आहे.  

सनी 'गदर'मध्ये हँडपंप उखडताना दिसला होता, यावेळी तो हातात हातोडा घेऊन दिसत आहे. 'गदर: एक प्रेम कथा' हा चित्रपट २००१मध्ये रिलीज झाला होता. या चित्रपटात सनी देओलसोबत अमिषा पटेल आणि अमरीश पुरी यांच्याही प्रमुख भूमिका होत्या. आता ‘गदर २’ बॉक्स ऑफिसवर काय धमाका करतो ते बघूच.