सनी पाजी तुसी छा गए! 'गदर 2' मधला तारासिंगचा आणखी एक लुक व्हायरल; चाहते खूश

येत्या ११ ऑगस्टला सिनेमा चित्रपटगृहांत धडकणार आहे.

Gadar 2 Video: सनी देओल (Sunny Deol ) व अमीषा पटेलच्या (Ameesha Patel) ‘गदर २’ (Gadar 2) या सिनेमाची प्रेक्षक आतुरतेने प्रतीक्षा करत आहेत. होय, चाहते जणू क्रेझी झाले आहेत. ‘गदर २’ बद्दलची प्रत्येक छोटी अपडेट आली रे आली की, सोशल मीडियावर चर्चा सुरू होते. येत्या ११ ऑगस्टला सिनेमा चित्रपटगृहांत धडकणार आहे. 'गदर 2' च्या सेटवरचा फोटो, फर्स्ट लुक तर याआधी व्हायरल झालाच आहे. आता सिनेमातील सनी देओलचा आणखी एक लुक व्हायरल झाला आहे. 

जांभळ्या रंगाची पगडी बांधलेला सनी देओलचा हा लुक बघून चाहत्यांची उत्सुकता शिगेला पोहोचली आहे. बैलगाडीचं चाक हातात घेतलेला त्याचा फोटो काही दिवसांपूर्वीच व्हायरल झाला होता. आता सनी देओलचा हा पंजाबी लुकही प्रेक्षकांच्या पसंतीस पडलाय. Reflections असं कॅप्शन त्याने फोटोला दिलंय. तारा सिंहचा लुक बघून चाहते खूपच प्रभावित झालेत.

एका चाहत्याने लिहिले, 'हिंदुस्तान जिंदाबाद था, है और रहेगा.' तर आणखी एकाने लिहिले,'सनी पाजी तुमच्या सिनेमाची वाट पाहतोय. तुम्ही सिनेमा बनवा आणि रेकॉर्ड तोडा.' 'पाजी इस बार क्या लाओगे पडोसियो के यहा से' असा प्रश्नही एकाने विचारलाय.

‘गदर २’ला १९७०मध्ये झालेल्या भारत-पाकिस्तान युद्धाची पार्श्वभूमी आहे. आधारित असणार आहे. ‘गदर’मध्ये तारा सिंह आपल्या पत्नीला परत आणण्यासाठी पाकिस्तानात गेला होता. यावेळी तो आपल्या मुलाला सोडवण्यासाठी पाकिस्तानामध्ये शिरकाव करताना दिसणार आहे. ‘गदर’मध्ये एक प्रेमकथा पाहायला मिळाली होती, तर यावेळी ‘गदर २’मध्ये वडील-मुलाच्या नात्यातील हळवे बंध पाहायला मिळणार आहे.