सनी देओल यांच्या होणाऱ्या सूनबाईंसोबत पहिल्यांदाच दिसला करण देओल, चाहत्यांनी दिल्या अशा रिअ‍ॅक्शन

 सनी देओल यांचा मुलगा करण देओलच्या एंगेजमेंटची बातमी आल्यानंतर चाहते त्याच्या होणाऱ्या पत्नीला पाहण्यासाठी उत्सुक होते. याआधी दोघे कधीच एकत्र दिसले नाहीत. पण अलीकडेच करण देओल त्याची होणारी पत्नी  
द्रिशा आचार्यसोबत स्पॉट झाला. व्हिडिओ पाहून चाहते सनी देओल यांच्या होणाऱ्या सूनबाईंवर प्रेमाचा वर्षाव करत आहेत. व्हिडिओमध्ये हे जोडपे कॅज्युअल लूकमध्ये मुंबईतील एका रेस्टॉरंटच्या बाहेर कारमधून उतरताना दिसले. दोघेही बाहेर येताच पापाराझींनी करण आणि द्रिशाचे स्वागत केले. दोघांनीही पापाराझींसाठी पोझ दिल्या.

करण आणि दिशा कॅज्युअल वेअरमध्ये दिसले. कारमधून उतरताना करण खूप खुश दिसत होता. जेव्हा करणने फोटोग्राफर्सना समोर पाहिले तेव्हा त्याने सगळ्यांनाच चांगला प्रतिसाद दिला. यानंतर रेस्टॉरंटमध्ये जाण्यापूर्वी करण आणि द्रिशाने पापाराझींना  पोझही दिल्या. करण आणि दिशाचा हा व्हिडिओ सध्या सोशल मीडियावर व्हायरल होत आहे.

View this post on Instagram

A post shared by Voompla (@voompla)

द्रिशा आणि करण गेल्या 6 वर्षांपासून एकमेकांना डेट करत आहेत. द्रिशा ट्रॅव्हल इंडस्ट्रीशी निगडीत आहे आणि प्रसिद्ध चित्रपट निर्माते बिमल रॉय यांची नात आहे. दोन महिन्यांपूर्वी दोघांचा साखरपुडा झाला. यावर्षी फेब्रुवारीमध्ये व्हॅलेंटाइन डेच्या दिवशी करण आणि द्रिशा एकत्र दिसले होते, तेव्हापासून त्यांच्या अफेअरच्या चर्चा सुरु झाल्या होत्या. लग्नाबद्दल बोलायचे झाले तर करण आणि द्रिशाच्या लग्नाची तयारी देओल कुटुंबात जोरात सुरू आहे. 16 ते 18 जून दरम्यान मुंबईत थाटामाटाक हा लग्न सोहळा पार पडणार आहे.

करण देओल हा सनी देओल आणि पूजा देओल यांचा मुलगा आहे. त्याच्या कारकिर्दीबद्दल बोलायचे झाले तर तो यमला पगला दीवाना 2, पल पल दिल के पास यांसारख्या चित्रपटांमध्ये दिसला आहे. बॉलिवूडमध्ये तो अद्याप एकही हिट चित्रपट देऊ शकला नाही.