सनी लिओनीने बॉलिवूडला केला बाय-बाय; इमेज बदलण्यासाठी निवडला ‘हा’ मार्ग!

इमेज बदलण्यासाठी सनी आता या मार्गावर चालणार असून, त्यासाठी ती सध्या प्रचंड तयारी करीत आहे. वाचा सविस्तर!

प�

��र्न इंडस्ट्रीमधून बॉलिवूडमध्ये स्थिरावलेली अभिनेत्री सनी लिओनीने आता बॉलिवूडला बाय-बाय केला आहे. कारण ज्या उद्देशाने सनीने बॉलिवूडमध्ये एंट्री केली होती, तो उद्देश फारसा सफल होताना दिसत नसल्यानेच तिने हा निर्णय घेतला आहे. बॉलिवूडमध्ये येण्याचा सनीचा एकमेव उद्देश म्हणजे इमेज बदलणे हा होता. परंतु तिच्या बॉलिवूडमधील पाच वर्षांच्या करिअरवर नजर टाकल्यास तिचा हा उद्देश फारसा सफल होताना दिसत नाही. कारण बॉलिवूडमध्ये आल्यानंतर सनीच्या वाट्याला आतापर्यंत ‘जिस्म, रागिनी एमएमएस-२, वन नाइट स्टॅण्ड, तेरा इंतजार’ यांसारखे अंगप्रदर्शन करणारेच चित्रपट आले. या सर्व चित्रपटांमध्ये सनीच्या अंगप्रदर्शनावर भर देण्यात आला. त्यामुळे तिने तिच्या करिअरबद्दल आता खूप मोठा निर्णय घेतला आहे. 

सनी आता बॉलिवूडमध्ये नव्हे तर साउथ फिल्म इंडस्ट्रीमध्ये आपला जलवा दाखविणार आहे. त्यासाठी तिने एक तेलगूपटही साइन केला. अद्यापपर्यंत या चित्रपटाचे नाव निश्चित झाले नसले तरी, या चित्रपटात सनीला तिच्या मनासारखी भूमिका मिळाली आहे. या नव्या प्रोजेक्टबद्दल बोलताना सनीने म्हटले की, ‘मला अपेक्षा आहे की, या चित्रपटातून माझी इमेज बदलली जाईल. मी नेहमीच अ‍ॅक्शन सिक्वेंस करू इच्छित होती. गेल्या कित्येक वर्षांपासून मी अशाप्रकारच्या स्क्रीप्टच्या प्रतीक्षेत होती. मी त्याच क्षणापासून या चित्रपटाच्या तयारीला सुरुवात केली होती, जेव्हा मला दिग्दर्शकांनी स्क्रीप्ट ऐकविली.’ सनीने पुढे सांगितले की, साउथ इंडियाबद्दल माझ्या हृदयात एक वेगळेच स्थान आहे. त्यामुळे मी तेलगूपट करण्यास खूप उत्सुक आहे. त्यातच आंध्र प्रदेश, तामिळनाडू आणि केरळमध्ये माझ्या चाहत्यांची संख्याही अगणित आहे. 
 

सनी लिओनीचा हा चित्रपट एक पीरियड ड्रामा असेल. ज्याकरिता ती तलवारबाजी आणि घोडस्वारी शिकत आहे. असे म्हटले जात आहे की, चित्रपटात सनी एका नव्या अंदाजात दिसणार आहे. या चित्रपटाला वीसी वादीवुदियान दिग्दर्शित करणार आहेत. चित्रपट तामीळ आणि हिंदीमध्ये रिलीज केला जाईल. खरं तर सनी साउथ चित्रपटात पहिल्यांदाच  बघावयास मिळणार, असे नाही तर २०१५ मध्ये आलेल्या ‘डीके’ या कन्नड चित्रपटात सनी ‘सेसम्मा’ या गाण्यावर ठुमके लावताना बघावयास मिळाली होती. 



साउथ इंडियामध्ये सनी लिओनीची जबरदस्त फॅन फॉलोविंग आहे. यांचा अंदाज तेव्हा आला जेव्हा सनी एका स्मार्टफोनच्या लॉन्चिंगसाठी केरळची राजधानी कोची येथे गेल्या आॅगस्ट महिन्यात पोहोचली होती. सनी जेव्हा कार्यक्रमस्थळी आली होती, तेव्हा तिच्या चाहत्यांनी तुफान गर्दी केली होती. सनीच्या चाहत्यांनी संपूर्ण वाहतूक ठप्प केली होती. याबाबतचे फोटोही त्यावेळी सोशल मीडियावर चांगलेच व्हायरल झाले होते. दरम्यान, सनी लिओनीचा नुकताच ‘तेरा इंतजार’ हा चित्रपट रिलीज झाला आहे. चित्रपटाने बॉक्स आॅफिसवर फारसा करिष्मा दाखविला नाही. चित्रपटाने ओपनिंग डे ला केवळ ४५ लाखांची कमाई केली. सनीला यावर्षी सुखद धक्का देणारी एकमेव बातमी म्हणजे तिला यावर्षी इंटरनेटवर सर्वाधिक वेळा सर्च केले गेले. सनीनंतर प्रियंका चोपडा, दीपिका पादुकोण, करिना कपूर या अभिनेत्रींना इंटरनेटवर सर्च करण्यात आले.