​सुशांत सिंह राजपूत व एकता कपूरचा ‘पवित्र रिश्ता’ अद्यापही कायम!

स�

��शांत सिंह राजपूत आणि एकता कपूर यांचा ‘पवित्र रिश्ता’ तुटला, अशी चर्चा मध्यंतरी कानावर पडली होती. याचमुळे अलिकडे रिलीज झालेला ‘हाफ गर्लफ्रेन्ड’(एकता कपूरशी वाजल्यामुळे या चित्रपटात सुशांतऐवजी अर्जुन कपूरची वर्णी लागल्याचे कळते.) हा चित्रपट सुशांतला हातचा गमवावा लागला होता.  होय, या चित्रपटासाठी सुशांत हाच पहिली पसंत होता. पण काही दिवसांपूर्वी एकता कपूर व सुशांत यांच्यात कुठल्याशा गोष्टीवर मतभेद निर्माण झाले आणि मग पुढचे सगळेच फिस्कटले. या मतभेदानंतर एकता व सुशांत या दोघांनी परस्परांशी बोलणेही बंद केल्याचे ऐकिवात आले. पण आता कदाचित हे मतभेद निवळले आहेत. होय, एकता कपूर सुशांतला घेऊन एक चित्रपट घेऊन येणार असल्याची बातमी आहे. अलीकडे एका मुलाखतीत सुशांत याचे संकेत दिले. मला एकता कपूरच्या एका चित्रपटाची स्क्रिप्ट प्रचंड आवडली होती. पण तेव्हा मी ‘राबता’ साईन केला होता. त्यामुळे आधी ‘राबता’ पूर्ण करण्याचा निर्णय मी घेतला. अलीकडे माझी व एकताची भेट झाली. या भेटीत आम्ही पुन्हा एकदा एकत्र येणार, हे कन्फर्म झाले, असे सुशांतने सांगितले. म्हणजेच ‘पवित्र रिश्ता’नंतर पुन्हा एकत्र काम करण्यास सुशांत व एकता तयार आहेत. सुशांतला घडवण्यात एकता कपूरचा खूप मोठा हात आहे. ‘पवित्र रिश्ता’ या टीव्ही मालिकेने सुशांतच्या नशिबाला कलाटणी दिली. याच मालिकेनंतर त्याला बॉलिवूडमध्ये संधी मिळाली. याच मालिकेच्या सेटवर सुशांतला अंकिता लोखंडे ही गर्लफ्रेन्ड मिळाली. अर्थात आता सुशांत व अंकिता दोघेही वेगळे झाले आहेत.

ALSO READ : सुशांत सिंह राजपूत निघाला ‘नासा’ला...आता ‘चंदा मामा’ दूर नाही...!

लवकरच सुशांतचा ‘राबता’ हा सिनेमा प्रदर्शित होतो आहे. या चित्रपटाच्या प्रमोशनमध्ये सुशांत सध्या व्यस्त आहे. यात सुशांतच्या अपोझिट क्रिती सॅनन दिसणार आहे.