Swara Bhasker Wedding Card: स्वरा-फहादचं अनोखं वेडिंग कार्ड, छापली कधी नव्हे अशी हटके लग्नपत्रिका

Swara Bhasker Wedding Card: स्वराने गेल्या १६ फेब्रुवारीला समाजवादी पक्षाचा नेता फहाद अहमदसोबत कोर्ट मॅरेज केलं. आता कपल पारंपरिक पद्धतीने लग्न करणार आहे. या लग्नाची जोरदार तयारी सुरू झाली आहे. दोघांच्या लग्नाची पत्रिकाही तयार आहे...

Swara Bhasker Wedding Card: बॉलिवूडची बोल्ड आणि बिनधास्त अभिनेत्री स्वरा भास्कर (Swara Bhasker) गेल्या काही दिवसांपासून तिच्या लग्नामुळे चर्चेत आहे. स्वराने गेल्या १६ फेब्रुवारीला समाजवादी पक्षाचा नेता फहाद अहमदसोबत कोर्ट मॅरेज केलं. लग्नाची बातमी शेअर करत, तिने सर्वांनाच चकित केलं होतं. आता कपल पारंपरिक पद्धतीने लग्न करणार आहे. या लग्नाची जोरदार तयारी सुरू झाली आहे. दोघांच्या लग्नाची पत्रिकाही तयार आहे. ही लग्नपत्रिका फारच अनोखी आहे. सोशल मीडियावर सध्या या लग्नपत्रिकेचीच चर्चा आहे.

 नुकतंच सोशल मीडियावर या सेलिब्रेटी कपलची लग्नपत्रिका समोर आली आहे. या लग्नपत्रिकेवरील मजकुराने सर्वांचं लक्ष वेधून घेतलं आहे. या लग्नपत्रिकेत 'हम भारत के लोग', इन्कलाब जिंदाबाद' अशी घोषवाक्ये लिहिलेली आहेत. लग्नपत्रिकेवर फहाद व स्वराचा ॲनिमेटेड फोटो आहे. दोघंही खिडकीतून बाहेर बघत आहे. बाहेर काह लोक आहेत. त्यांच्या हातात प्लेकार्ड आहेत. त्यावर वेगवेगळे स्लोगन लिहिलेले दिसताहेत.  लग्नपत्रिकेला रेट्रो लूक देण्यासाठी यामध्ये शाहरुख खान आणि काजोलच्या 'दिलवाले दुल्हनिया ले जायेंगे' चित्रपटाचं पोस्टर खास पद्धतीने समाविष्ट करण्यात आलं आहे.

अनेकदा आपण एखादी गोष्ट शोधत असतो आणि अचानक कळतं की ती गोष्ट तर आपल्या जवळच आहे. आम्ही प्रेमाच्या शोधात होतो, पण आधी आम्हाला मैत्री सापडली. हे सगळं आंदोलनादरम्यान झालं आणि नंतर आमची कहाणी पुढे पुढे सरकत गेली. त्या अंधारात आम्हाला एक प्रकाश सापडला. द्वेषाच्या त्या वातावरण आम्हाला प्रेम गवसलं. हो, सुरूवातीला मनात भीती होती. पण सोबत विश्वास आणि आशाही होती, असं पत्रिकेवर लिहिलेलं आहे.
स्वरा भास्कर-फहाद अहमदच्या या लग्नपत्रिकेवर नेटकऱ्यांनी वेगवेगळ्या प्रतिक्रिया दिल्या आहेत.  

स्वरा भास्करने करीना कपूर, सोनम कपूरसोबत 'वीरे दी वेडिंग, कंगना रनौतसोबत 'तनू वेड्स मनू', हृतिक रोशनच्या 'गुजारिश', सलमान खानच्या 'प्रेम रतन धन पायो' अशा अनेक सिनेमांमध्ये महत्वाची भूमिका साकारली आहे. अभिनेत्री चित्रपटांपेक्षा जास्त आपल्या वक्तव्यांमुळे चर्चेत असते. ती सतत सोशल मीडियावर आपली रोखठोक मतं मांडताना दिसून येते.