​करिना कपूरचा मुलगा तैमुर अली खान आणि तुषार कपूरचा मुलगा लक्ष्य कपूरची जमली गट्टी

​करिना कपूरचा मुलगा तैमुर अली खान आणि तुषार कपूरचा मुलगा लक्ष्य कपूरची जमली गट्टी

क�

��िना कपूर आणि तुषार कपूर यांनी मुझे कुछ कहना है, गोलमाल ३, गोलमाल रिटर्न्स, जीना सिर्फ मेरे लिये, गोलमान अगेन यांसारख्या अनेक चित्रपटांमध्ये एकत्र काम केले आहे. करिना आणि तुषार यांच्या कारकिर्दीची सुरुवात ही एकाच वेळी झाली. तुषार आणि करिना हे इंडस्ट्रीत यायच्या आधीपासूनच एकमेकांचे खूप चांगले फ्रेंड्स आहेत. त्यांनी त्यांची मैत्री आजही जपली आहे. ते दोघे एकमेकांच्या घरातील कार्यक्रमांना, पार्टींना आवर्जून उपस्थित असतात. तुषार आणि करिना प्रमाणेच तुषारचे वडील जितेंद्र आणि करिनाचे काका ऋषी कपूर हे अनेक वर्षांचे फ्रेंड्स आहेत. आता जितेंद्र आणि ऋषी कपूर यांच्या तिसऱ्या पिढीतही मैत्री पाहायला मिळत आहे. करिना आणि तुषार या दोघांनाही आता मुले आहेत आणि या दोघांच्या मुलांमध्ये देखील मैत्री दिसून येत आहे.

 

तुषारचा मुलगा लक्ष्य आणि करिनाचा मुलगा तैमुर यांचा एक फोटो तुषारने नुकताच सोशल मीडियावर शेअर केला आहे. या फोटोत लक्ष्य निळ्या जीन्स आणि निळ्या टॉपमध्ये तर तैमुर ब्लॅक अँड रेडचे कॉम्बिनेशन असलेल्या ड्रेसमध्ये दिसत आहे. या फोटोत तैमुर काहीसा बावरलेला आपल्याला पाहायला मिळत आहे. या फोटोत त्यांच्यासोबत आणखी एक मुलगा आहे. या फोटोत लक्ष्य आणि तैमुर दोघेही खूपच छान दिसत आहे. हा फोटो इन्स्टाग्रामला अपलोड करताना तुषारने म्हटले आहे की, आज मुलांची प्ले डेट म्हणजेच खेळण्याची डेट आहे. तुषारने हा फोटो अपलोड केल्यानंतर काहीच तासात सतरा हजारांहून अधिक लोकांनी त्या फोटोला लाईक केले आहे तर अनेकांनी यावर प्रतिक्रिया देखील दिल्या आहेत.
लक्ष्य आणि तैमुरला या आधीदेखील आपण एकत्र पाहिले आहे. लक्ष्यचा पहिला वाढदिवस नुकताच झाला. तुषारने आपल्या मुलाचा वाढदिवस धुमधडाक्यात साजरा केला होता. या वाढदिवसाला बॉलिवूडमधील अनेकांनी हजेरी लावली होती. करिना देखील लक्ष्यच्या वाढदिवसाला तैमुरला घेऊन आली होती. तेव्हाच तैमुर आणि लक्ष्य मध्ये असलेली बाँडिंग लोकांना पाहायला मिळाली होती. 

Also Read : तैमूर अली खानचा नवाबी अंदाज!