Tamannaah Bhatia : चोरी चोरी, छुपके छुपके...! तमन्ना भाटिया अभिनेता विजय वर्माच्या प्रेमात? किसींग VIDEO व्हायरल

Tamannaah Bhatia Vijay Varma Dating: होय, तमन्ना अभिनेता विजय वर्माला डेट करत असल्याच्या चर्चा आहेत.

प्रेम लपत नाही म्हणतात, तेच खरं. आता हेच बघा ना! साऊथ ब्युटी तमन्ना भाटियाने (Tamannaah Bhatia) आत्तापर्यंत लपवण्याचा बराच प्रयत्न केला. पण एक व्हिडीओ व्हायरल झाला आणि लोकांना कळायचं ते कळलं. होय, तमन्नाचा न्यू ईअर सेलिब्रेशनचा एक व्हिडीओ व्हायरल होतोय. गोव्यात तमन्नाने न्यू ईअरचं धम्माल सेलिब्रेशन केलं. याचा एक व्हिडीओ व्हायरल झाला आणि यानंतर तमन्नाच्या लव्ह लाईफची चर्चा सुरू झाली. 
होय, या व्हिडीओ तमन्ना आपल्या कथित बॉयफ्रेन्डला किस करताना दिसत असल्याचा दावा एका फॅन पेजने केला आहे. आता हा बॉयफ्रेन्ड कोण? असा प्रश्न तुम्हाला पडला असेल तर त्याचं नाव विजय वर्मा. होय, तमन्ना सध्या अभिनेता विजय वर्माला (Vijay Varma ) डेट करत असल्याच्या चर्चा आहेत.

View this post on Instagram

A post shared by Tamannaaaahhh 🥵 (@tamannaaaahh_)

31 डिसेंबरच्या पार्टीत तमन्ना व विजय एकमेकांना किस करत असल्याचा दावा सोशल मीडिया युजर्स करत आहेत. या व्हिडीओत एक कपल एकमेकांना किस करताना दिसत आहेत. हे दुसरे तिसरे कोणी नसून तमन्ना व विजय असल्याचं व्हिडीओच्या कॅप्शनमध्ये म्हटलं आहे. चाहत्यांनी यावर वेगवेगळ्या कमेंट्सही केल्या आहेत. हे कधी झालं? असं म्हणत अनेकांनी या ‘लव्ह स्टोरी’वर आश्चर्यही व्यक्त केलं आहे.

तमन्ना भाटिया व विजय वर्मा एकमेकांना डेट करत असल्याच्या चर्चा गेल्या अनेक दिवसांपासून सुरू आहेत. याआधीही दोघांना अनेक ठिकाणी एकत्र स्पॉट करण्यात आलं आहे. अर्थात दोघांनीही याबद्दल मौन बाळगलं आहे. आता मात्र या व्हिडीओनंतर पुन्हा एकदा या चर्चांना ऊत आला आहे. तमन्ना व विजय दोघेही ‘लस्ट स्टोरीज 2’मध्ये एकत्र स्क्रीन शेअर करताना दिसणार आहेत.