‘जालिमा’ गाण्याचा टीझर आऊट ; ऐका शाहरूख खानचा दर्दी आवाज..

२०१७ मध्ये प्रदर्शित होणारा बहुचर्चित चित्रपट ‘रईस’ हा कोणत्या ना कोणत्या कारणाने सतत चर्चेत असतोच. चित्रपटाची शूटिंग जेव्हापासून सुरू ...

२�

��१७ मध्ये प्रदर्शित होणारा बहुचर्चित चित्रपट ‘रईस’ हा कोणत्या ना कोणत्या कारणाने सतत चर्चेत असतोच. चित्रपटाची शूटिंग जेव्हापासून सुरू झाली तेव्हा शाहरूखचा लूक, पाकिस्तानी अभिनेत्री माहिरा खानबद्दलचा वाद, कथानकातील बदल या ना त्या कारणाने चित्रपट आत्तापर्यंत चर्चेत होता. आता तुम्ही म्हणाल, पुन्हा असं काय झालं की चित्रपट चर्चेत आहे? होय, लैला गाण्यानंतर चाहत्यांना आता प्रतीक्षा लागलीय ती ‘जालिमा’ या गाण्याची. या गाण्याचा टीझर आऊट नुकताच आऊट करण्यात आला आहे. या टीझरमध्ये शाहरूख खानचा दर्दी आवाज जर तुम्ही ऐकाल तर तुम्ही पुन्हा एकदा नक्कीच शाहरूखच्या प्रेमात पडाल. 

{{{{twitter_post_id####

Singing aati ho ya nahi, Zaalima ke liye toh gungunana padega. #Zaalima5thJanpic.twitter.com/sVWLkYkNSU— Shah Rukh Khan (@iamsrk) January 3, 2017

}}}}


‘रईस’ चित्रपटात शाहरूख खान आणि पाकिस्तानी अभिनेत्री माहिरा खान यांची लव्हस्टोरी पुढे नेण्यासाठी दिग्दर्शकाने हे गाणे समाविष्ट केले आहे. या गाण्याच्या टीझरला शाहरूख खानचा आवाज देण्यात आला आहे. हे एक रोमँटिक गाणे असून, तुमच्या काळजाला नक्की हात घालणार, हे मात्र नक्की. या गाण्याच्या व्हिडीओत शाहरूखने काही शायरीसारख्या ओळी म्हटल्या आहेत.‘जो तेरी खातिर तडपे पहले से ही, क्या उसे तडपाना, ओ जालिमा’ शाहरूखच्या आवाजातील या ओळी घायाळ करतात. ‘जालिमा’ हे गाणं लवकरच रिलीज करण्यात येणार आहे. 

‘रईस’ या चित्रपटात १९८० च्या दशकातील गुजरातच्या पार्श्वभूमीवर आधारित असून यात एका दारू तस्काराचा व्यापार एक कठोर पोलीस अधिकारी उद्ध्वस्त करतो. या चित्रपटाची निर्मिती एक्सल एंटरटेनमेंट व रेड चिलीज एंटरटेनमेंट यांनी केली आहे. या चित्रपटात शाहरुख खानसोबतच नवाजुद्दीन सिद्दीकीची महत्त्वाची भूमिका आहे. या चित्रपटातून पाकिस्तानी अभिनेत्री माहिरा खान बॉलिवूडमध्ये पदार्पण करणार आहे.