बॉलिवूडच्या या अभिनेत्याचे सिनेमातील किसिंग आणि इंटिमेट सीन्स पाहून संतापली पत्नी, तिने थिएटरमध्येच...

एक काळ असा होता जेव्हा हा अभिनेता त्याच्या बहुतेक चित्रपटांमध्ये फक्त 'लव्हर बॉय'ची भूमिका साकारताना दिसायचा.

इमरान हाश्मी (Emraan Hashmi) बऱ्याच दिवसांनी अक्षय कुमार(Akshay Kumar)सोबत 'सेल्फी' चित्रपटात दिसला. हा चित्रपट फारसा यशस्वी ठरला नसला तरी इमरान हाश्मीने या चित्रपटाद्वारे नक्कीच प्रसिद्धीच्या झोतात पुनरागमन केले. सध्या इमरान हाश्मी सलमान खानच्या 'टायगर ३' या चित्रपटामुळे चर्चेत आहे. हा अभिनेता सलमान खानसोबत 'टायगर ३'मध्ये अॅक्शन करताना दिसणार असल्याचे बोलले जात आहे. इमरान हाश्मी त्याच्या 'सेल्फी'मध्ये पूर्णपणे वेगळ्या अंदाजात दिसला होता.

एक काळ असा होता जेव्हा हा अभिनेता त्याच्या बहुतेक चित्रपटांमध्ये फक्त 'लव्हर बॉय'ची भूमिका साकारताना दिसत होता. इमरान हाश्मी चित्रपटांमधील त्याच्या दमदार भूमिकांसाठी देखील ओळखला जातो, परंतु तुम्हाला माहिती आहे का की मोठ्या पडद्यावर छान भूमिका साकारल्यामुळे या अभिनेत्याला त्याच्या वैयक्तिक आयुष्यातही अनेक समस्यांचा सामना करावा लागला आहे. आज आम्ही इमरान हाश्मीच्या वैयक्तिक आयुष्याशी संबंधित असाच एक रंजक किस्सा शेअर करणार आहोत.

खरेतर, ही घटना इमरान हाश्मीच्या 'मर्डर' चित्रपटाच्या प्रदर्शना दरम्यानची आहे. या चित्रपटात अभिनेत्याने एक अतिशय मस्त व्यक्तिरेखा साकारली होती, जी त्याची पत्नी परवीनला माहीत नव्हती. 'कॉफी विथ करण'मध्ये त्यानेच याचा खुलासा केला. 'मर्डर' चित्रपटातील त्याच्या भूमिकेबद्दल त्याने पत्नीला फारसे सांगितले नव्हते, असे अभिनेत्याने सांगितले होते. जेव्हा या चित्रपटाचे स्क्रिनिंग झाले तेव्हा इमरान हाश्मीचा पर्दाफाश झाला आणि त्याच्या पत्नीला त्याच्या पात्राबद्दल सर्व काही कळले. 'मर्डर' पाहिल्यानंतर पत्नीला इतका राग आला की तिने चित्रपट पाहताना त्याच्या हातावर नखे मारल्याचं अभिनेत्याने सांगितले. चित्रपट संपेपर्यंत इम्रानच्या हातातून रक्त येऊ लागले होते आणि त्याच्या हातावर निळ्या रंगाच्या खुणाही होत्या.

२००४ मध्ये रिलीज झालेल्या 'मर्डर' चित्रपटात इमरान हाश्मी आणि मलायका शेरावत मुख्य भूमिकेत दिसले होते. त्यावेळी या चित्रपटातील गाण्यांनी खळबळ उडवून दिली होती.