'हे बेबी' सिनेमातील क्यूट बेबी एंजेल १७ वर्षांनंतर आता दिसते अशी!, तिला ओळखणं झालंय कठीण

'Hey Baby' Movie : 'हे बेबी'मध्ये क्यूट एंजेलची भूमिका जुआना संघवीने केली आहे. चित्रपटाच्या १७ वर्षांनंतर, जुआनाचे फोटो पुन्हा सोशल मीडियावर पाहायला मिळत आहे. आता तिला ओळखणं कठीण झाले आहे.

२००७ मध्ये रिलीज झालेल्या अक्षय कुमार, रितेश देशमुख आणि फरदीन खान स्टारर चित्रपट 'हे बेबी'(Hey Baby Movie)ने प्रेक्षकांचे खूप मनोरंजन केले. हे बेबीने आपल्याला खूप हसवले, तर अनेक ठिकाणी भावूकही केले. साजिद खानच्या दिग्दर्शनाखाली बनलेला हा चित्रपट थ्री मेन अँड अ बेबी या अमेरिकन चित्रपटावर आधारित होता आणि बॉक्स ऑफिसवर सुपरहिट ठरला होता. तीन मुख्य कलाकारांव्यतिरिक्त, चित्रपटात एक गोंडस मुलगी देखील होती, जिने सर्व लाइमलाइट लुटले होते. या चित्रपटात क्यूट एंजेलची भूमिका जुआना संघवी(Juanna Sanghvi)ने साकारली होती. चित्रपटाच्या १७ वर्षांनंतर, जुआनाचे फोटो पुन्हा सोशल मीडियावर पाहायला मिळाले आहेत, जे पाहून तिचे चाहते खूश झाले आहेत.

क्यूट जुआनाने केवळ हे बेबी या चित्रपटातून प्रेक्षकांची मने जिंकली नाहीत तर चित्रपटातील स्टार्सही तिच्यामुळे खूप प्रभावित झाले होते. जानेवारी २०२२ मध्ये फरदीन खानने हे बेबी मधील बीटीएस फोटो शेअर केला होता. त्याने ट्विटमध्ये लिहिले होते की, छोट्या जुआनासोबत सीन करण्यासाठी त्याने स्मोकिंग सोडले आहे. चित्रपट प्रदर्शित झाल्यानंतर जुआनाच्या क्यूटनेसने केवळ प्रेक्षकच नाही तर समीक्षकांनाही भुरळ घातली. अनेक लोकांचा असा विश्वास आहे की एंजेलने चित्रपटातील तीन स्टार्सची लाइमलाइट चोरली.

नुकतेच जुआनाचे फोटो व्हायरल झाले होते. आता २० वर्षांच्या जुआनाला या फोटोमध्ये तिला ओळखणे कठीण जात आहे. जुआनाचे फोटो पाहिल्यानंतर अनेक चाहत्यांनी तिला पुन्हा चित्रपटात पाहण्याची इच्छा व्यक्त केली.